Ысык-Ата районунда эки унаа сүзүшүп, айдоочу жана анын апасы каза болду (фото)

Ысык-Ата районунда эки унаа сүзүшүп, айдоочу жана анын апасы каза болду. Бул тууралуу бүгүн, 23-августта Чүй ОИИББинин Патрулдук милиция башкармалыгынан билдиришти.

Маалыматка караганда, жол кырсыгы бүгүн саат 08:00 чамасында Сокулук-Токмок айланып өтүүчү жолунун 41-чакырымында (Ысык-Ата району) болгон. Анда катуу ылдамдыкта келе жаткан Ниссан үлгүсүндөгү унаа каршы тилкеге чыгып, чыгышты көздөй бараткан Ауди үлгүсүндөгү унаа менен сүзүшкөн.

"Кырсыктын кесепетинен Ауди унаасынын айдоочусу жана анын апасы окуя болгон жерден көз жумган. Ал эми Ниссан унаасында айдоочу гана болгон. Анын буту, кабыргасы сынып Ысык-Ата райондук ооруканасына жеткирилген", - деп билдиришти Патрулдук милициядан.

Күбөлөрдүн айтымында, Ниссан үлгүсүндөгү унаанын айдоочусу мас абалда болгон.

Адистердин баамында, өлкө аймагында катталган жол кырсыктарынын көбү жол-кыймыл эрежелерин сактабагандыктан болот. Айрымдар Патрулдук милициянын жанынан акырын айдап, андан өткөн соң катуу ылдамдыкта айдашат.

Автор: Бекжан Рыскулов
Фото: Чүй ОИИББ

11:14 23-08-2017

Жазылуу

РУБРИКАДАГЫ СОҢКУ КАБАРЛАР

15:23 2025-06-21 | Коом жана турмуш

Мугалимдердин айлык акылары эки этапта көтөрүлөт. Качан? 292 0

14:50 2025-06-21 | Түркүн дүйнө

Тунистин мурдагы президенти 22 жылга эркинен ажыратылды 275 0

14:42 2025-06-21 | Түркүн дүйнө

Иран менен Израил бири-бирине ракета жана учкучсуз учактар менен сокку урууда 820 0

12:17 2025-06-21 | Кылмыштар, кырсыктар

Учтуу нерсе менен сайган... Кара-Сууда 33 жаштагы жарандын колунан кайненеси каза тапты 2085 0

12:05 2025-06-21 | Коом жана турмуш

Ошто мектептин коммерциялык багытка сатылып кеткен жери мэрияга кайтарылды 539 0

11:51 2025-06-21 | Түркүн дүйнө

Иран Израилдин соккусунан беш оорукана жабыркаганын билдирди 936 0

Архив

Комментарийлер (3)

wwwbaxa

2017-08-23 11:48:17

камера жок болсо катуу айдайт да жаны чыгып.Жолдорго камера койбосо Кыргыздар кырылып бүтөт ушул авариянын айынан...

tular

2017-08-23 11:59:27

Кыргыздар авто кврсыктан эле кырылмай болуштуго.

aerforce

2017-08-23 12:17:51

Ушул мас болуп сузгондор озу олбой бей куноо бир адамдардын омурун алып кетти бир жуманын ичинде канчалаган авария болду мастардын кесепетинен ичип рульга отурбайлычы

Комментарий калтыруу үчүн өз ысымыңыз менен кириңиз же каттоодон өтүңүз.