XI эл аралык кыргыз-казак айтышында Асылбек Маратов менен казак акыны Мухтар Ниязов баш байгени жеңип алды

Казак акыны Сара Токтомушова

1-орундун ээси Амантай Кутманалиев

Баш байгенин ээси, казак акыны Мухтар Ниязов

Баш байгенин ээси Асылбек Маратов

Кыргыз элинин ак таңдай акыны, биринчи даражадагы "Манас" орденинин ээси Тууганбай Абдиевдин 80 жылдыгына карата өткөн Токтогул Сатылганов атындагы Улуттук филармониясында байге фонду 2 миллион сомду түзгөн XI эл аралык кыргыз-казак айтышы болуп өттү. Айтыштын биринчи күнү казактан келген 8 акын, кыргыздын 8 акыны менен элге жакшы маанай тартуулап, курч айтыш курушту. Акындар эки элдин достугун, улуу өнөрдүн ээси болгон Тууганбай Абдиевдин чыгармачылык жолун даңазалап ырдашты.

Кечени Идирис Айтбаев менен казак акыны Айбек Калиевдин кыргыз, түрк, англис, өзбек, казак тилинде курган айтышы өзгөчө шаңга бөлөп, көрүүчүлөрдүн купулуна толду. Бирок азыркы учурда актуалдуу болуп жаткан көк бөрү маселесин акындар дээрлик козгошкон жок. Эң акыркы болуп айтышкан акын Кадырбек Бейшенов гана өз ырында көк бөрү мелдеши жөнүндө кеп айтты. Жыйынтыгында Кадырбек Бейшенов төмөн упай топтоп, финалга чыкпай калды. Калыстардын бул чечими залдагылардын нааразычылыгын жаратты.

Айтыштын биринчи күнүнүн жыйынтыгында финалга кыргыздын төрт акыны Амантай Кутманалиев, Идирис Айтбаев, Болот Назаров жана Асылбек Маратов чыгышкан. Ал эми казак акындарынан Айбек Калиев, Сара Токтомушова, Мухтар Ниязов жана Рүстөм Кайыртай уулу финалга жолдомо алышкан.

Кечээ, 31-августта айтыштын финалдык бөлүгү өтүп, кечеге келген көрөрмандардын кулагынын моокумун кандырган мыкты айтыш болду. Бул айтышта сөз баккан, кеп кастарлаган эки элдин акындары сөздүн каймагын калпып, элге улуу өнөрдүн ээси болгон төкмө акындарыбыздан уучубуз куру эмес экендигин айгинелешти. Кош байге коюлган бул айтышта Акбар Рыскулов башында турган калыстар тобу берген баалар боюнча, акындар төмөндөгүдөй оорундарга ээ болушту:

баш байге: Асылбек Маратов, Мухтар Ниязов;

1-орун: Амантай Кутманалиев, Рүстөм Кайыртай уулу;

2-орун: Болот Назаров, Сара Токтомушова;

3-орун: Идирис Айтбаев, Айбек Калиев;

Мындан сырткары акындарга "Айтыш" коомдук фондунун атайын сыйлыктары ыйгарылды. Эстебес Турсуналиев атындагы сыйлыкты Анар Жапаркулова, Ашыраалы Айталиев атындагы сыйлыкты Изат Айдаркулова, Тууганбай Абдиев атындагы сыйлыкты Сара Токтомушова, Бексултан Жакиев атындагы сыйлыкты Азамат Болгонбаев алышты. Ошондой эле финалга чыгып, бирок байгелүү орун албай калган акындарга кызыктыруучу акчалай сыйлыктар тапшырылды.

Автор: Айзада Тураркулова
Фото: Айзада Тураркулова

00:11 01-09-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (14)

ALMAAAN

2017-09-01 00:14:39

Сыйлыгынар кут болсун Куттуктайм!

Ali-han

2017-09-01 00:29:17

Аалы акын эмнеге катышпай калды? Аалы акын болгондо кок бору жонундо кепки козгомок да. Супер Инфо Аалы акын тууралуу жаза кетсенер

admin_superstan

2017-09-01 09:45:46

Ali-han, саламатсызбы! Бул жактан окуңуз: https://www.super.kg/kabar/news/199173/

Janusia

2017-09-01 01:12:07

Супер Инфо Аалы Туткучовдон интервью алгылачы, сураныч.

admin_superstan

2017-09-01 09:46:08

Janusia, саламатсызбы! Сунушуңузга рахмат, эске алабыз.

Lion.

2017-09-01 02:39:27

Аалы эмнеге катышкан жок? Элмирбек Иманалиевчи? Алап неге катышкан жок

admin_superstan

2017-09-01 09:46:31

Lion., саламатсызбы! Бул жактан окуңуз: https://www.super.kg/kabar/news/199173/

Adil706070

2017-09-01 05:54:36

Акыркы убакта Аалы акын,Женишбек акынды айтыштардан корбой калдык себеби эмнеде болду экен?
Айтыш коомдук фондунан четтетилдиби же саясий оюндун курмандыгы болуштубу ?

uli01

2017-09-01 07:30:56

кадыстык жок болгондуктан катышпай атышатго . кичинеле чындыкты айтып койсо откозбой койушат экен.

muzykant

2017-09-01 09:03:56

Буга чейин ар бир айтышка калтырбай барат элем. Себеби санжыраны санжырадай тарыхты тарыхтай учурдагы койгойду озгортпой токкон Аалы акындын айтышын коргум келчу. Азыр барсан айтышып жаткан акын дар баш аягы жок айтышат эмне деп жатканын деле билишпейт уйкашса болду урдура беришет.Чертип жаткан комуздары же таза куулоп чыгышпайт комузу башка уну башка жакта журот. Тогот экен деп эле чыгара бербей биртге контрольдоп коюшса жакшы болоор эле Аалы акын жонундо жазгылачы сураныч супер инфо кайда азыр

-2

admin_superstan

2017-09-01 09:24:39

muzykant, саламатсызбы! Сунушуңузга рахмат, эске алабыз.

Albe

2017-09-01 13:31:43

Калыс болбоду

Tariel_tt

2017-09-01 15:33:26

Айтыш коомунун тен торагасы баш байгени алдыбы? Мафия....

nurik838383

2017-09-01 18:31:01

Эээ маданиятын деле спортун деле саясатташып кеттиго, Аалы Женишбектерди ошон учун катыштырбады да кок боруну козгоп коюп Нуракеден соз укпайлы деп

Комментарий калтыруу үчүн өз ысымыңыз менен кириңиз же каттоодон өтүңүз.