Бейонсени эмне үчүн жакшы көрүшөт?

Сентябрь айынын башында Копенгаген университети америкалык ырчы Бейонсеге арналган окутуу ийриминин ачылганын жарыялаган. Мунун себеби катары Бейонсенин учурдун эң башкы поп-ырчыларынан экенин жана анын ырлары заманбап жашоону түшүнүүгө жардам берерин айткан. Мындан улам "Медуза" интернет басылмасы ырчыны көпчүлүк эмне үчүн жакшы көрөрүн жазып чыкты.

Бейонсе жарандык көз карашка ээ

Ырчы кара терилүү айымдардын укугун коргоого жана өлкөдөгү саясий абалга байкоо салып, ага өз пикирин билдирүүгө бел байлап келет. Анын көз карашын аткарган ырларынан да байкоого болот. Тактап айтканда, мындай багыттагы чыгармаларын 2011-жылы чыккан "Run the World" аталышындагы ырынан тарта акыркы жолу чыккан "Lemonade" ыр жыйнагынан да тапса болот.

Бейонсе 2009-2016-жылдары АКШнын ошол кездеги президенти Барак Обаманы колдоп келген жана анын инаугурациясында Обама жана жубайы Мишелге арнап "At Last" чыгармасын аткарган. Ал эми 2016-жылдагы президенттик шайлоодо Хиллари Клинтонду колдоп, күйөрмандарын шайлоого катышууга үндөгөн.

Сырларын айтуудан тартынбайт

2016-жылдын апрель айында ырчынын "Lemonade" аталышындагы ыр жыйнагы жана ушундай эле аталыштагы фильми жарык көргөн. Аталган альбомдо бир кезде жолдошу Жей Зинин көзүнө чөп салганын жана апасын башкага алмаштырган атасы менен болгон мамилеси тууралуу маалыматтар камтылган. Ал эми 2017-жылы 600 беттен турган фотокитеп чыгарып, ага үй-бүлөлүк архивдеги кызыктуу сүрөттөрдү жарыялаган.

Жолдошу Жей Зи менен

Кайрымдуулук иштери менен алектенет

2013-жылы дүйнө элине жардам берүүчү "BeyGOOD" аталышындагы фонд ачкан. Ал катуу бороондон жабыркагандарга жардам көрсөтүп, Африкага суу, азык-түлүк ташып, аз камсыз болгон үй-бүлөнүн кыздарына билим алуу үчүн шарт түзүп берет. Ушул жылдын август айында болгон "Харви" бороонунан улам ырчынын кичи мекени Хьюстонду суу каптап, жергиликтүү калк жабыр тарткан. Мындан улам 8-сентябрь күнү Бейонсе апасы Тина Ноулз жана кызы Блу Айви менен биргеликте аталган аймакка тамак-аш таратып, аларга колунан келген жардамын берүүгө убада берип келген.

Социалдык тармактын ханышасы

Башка дүйнөлүк ырчылардан айырмаланып Бейонсенин социалдык тармактагы аккаунту жөн гана сүрөт жүктөө үчүн эмес. Ал күнүмдүк жашоосун, кызы менен сейилдөөсүн жана жаңы жылды кантип белгилегенине чейин ачык айтып турат. Ошондой эле эгиз наристе күтүп жатканын айтып жарыялаган фотосу 1 сутканын ичинде 7 миллиондон ашуун "жакты" белгисин алган.

Бейонсени баары жакшы көрөт

4-сентябрда ырчы 36 жашка толду. Анын жакындары, алардын катарында АКШнын экс-канайымы Мишель Обама жана теннисчи Серена Уильямс Бейонсенин "Formation" клибиндеги кара шляпа жана 2 өрүм чач менен турган образын туурап, туулган күнүн куттукташкан.

Автор: Наргиза Талантбекова
Фото: Интернеттен алынды

09:57 12-09-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (8)

Syn4y

2017-09-12 10:05:44

men jakwy korboim go

Riokyrgyz

2017-09-12 10:24:45

Syn4y,мен дагы

kechirmeni

2017-09-12 10:34:33

Жыланач кызды ким жакшы корсун. Бардык суротторундо жарым жыланач го, анан дагы куйоосунун козуно чоп салса

Bars88

2017-09-12 13:53:02

kechirmeni,Озуно окшогондор жакшы корот болсо керек да.Ушуга окшгондор айтыштго зато журогум таза деп жыланач журуп алышып

AKCAHAT

2017-09-12 14:00:00

Bars88, бир фотосун 7млн жактырган))) бул бутундой бир олко Кыргызстан ошондо дагы 1млн ашыкчасы мн. Менимче Мадумаров мн Чубак ажы деле мынча добуш топтой албайт целый 6 млн. Кайсыдыр бир бурчта белгисиз бир адамдарга жакпашы Бейонсенин ойуна эмес он жолу уктаса дагы тушуно да кирбесе керек. 12млн фанаты кунсайын колдоп турса)))

-1

Saara.kg

2017-09-12 13:16:25

мунун ырларын бирин калтырбай угам

ludimira

2017-09-13 11:13:21

Дива года...сингл леди...хайло..эгиз боюнда барда бизче жараттуучу эне деп оскарда ырдаган.Уважуха дейт беле сыйга татыктуу ырчы.

ludimira

2017-09-13 11:14:49

Буну денесинин тузулушундо аябай чоон имарат бар.бейонсе деген

Комментарий калтыруу үчүн өз ысымыңыз менен кириңиз же каттоодон өтүңүз.