Нурсултан Раимбеков Казакстанда өтүп жаткан "I am a Singer" сынагынын 2-туруна өттү

Казакстанда өтүп жаткан "I am a Singer" жаш таланттар сынагына Кыргыздын атынан катышып жаткан Нурсултан Раимбеков сынактын 2-туруна өттү. Бул тууралуу ал SUPER.KG порталына маалымдады.

"Кечээ сынактын 1-туру болуп, андан ийгиликтүү өттүм. Сынак жалпысынан 16 турга бөлүнөт жана ар бир турда добуш аркылуу бирден катышуучу четтетилет. Бул өтө масштабдуу кароо-сынактардын катарына киргендиктен, ага жалаң күчтүү катышуучулар келишиптир. Алардын жанында устаттары жана колдоочулары чогуу жүрүшөт. Мени болсо казактар көбүрөөк колдоп жатышат", - деди ал.

Белгилей кетсек, сынак 18-сентябрдан 31-декабрга чейин өтөт. Ага 6 мамлекеттен 10 ырчы катышып, аларга ар бир турдан соң кийинки таймашка даярдануу үчүн 1 жума убакыт берилет.