Чемпиондор Лигасы, 2-тур: "Манчестер Юнайтед" 4:1 эсебинде "ЦСКАны" утуп алса, "ПСЖ" - "Бавария" беттеши 3:0 эсебинде аяктады

27-сентябрдан 28-сентябрга караган түнү Чемпиондор Лигасынын тайпалык баскычында 2-турдун оюндары жыйынтыкталды.

"Манчестер Юнайтед" командасы "ЦСКАны" 4:1 эсеби менен утуп алса, "ПСЖ" футбол клубу "Баварияны" 3:0 эсебинде жеңди. Ал эми "Атлетико Мадрид" 1:2 эсебинде "Челсиге" утулса, "Барселона" -"Спортинг" беттеши 1:0 эсебинде аяктады.

"А" тайпасы

"ЦСКА" (Константин Кучаев 90-мүнөт) - "Манчестер Юнайтед" (Лукаку-2-27, Антони Марсьяль-19, Генрих Мхитарян 57-мүнөт) 1:4;

"Базель" (Михаэль Ланг-2, Димитри Оберлин-20-69, Ван Волфсвинкел-60, Блас Риверос-76) - "Бенфика" 5:0;

2-турдун жыйынтыгы менен "Манчестер Юнайтед" 6 упай, "ЦСКА" 3, "Базель" 3 упайга ээ болду. Ал эми "Бенфика" эки жолу жеңилүү ызасын тартты.

"В" тайпасы

"ПСЖ" (Дани Алвес-2, Эдинсон Кавани-31, Неймар 63-мүнөт) - "Бавария" 3:0;

"Андерлехт" (Ли Гриффитс-38, Патрик Робертс-50, Скотт Синклер-90+3 ) - "Селтик" 3:0;

2-турдун жыйынтыгы менен "ПСЖда" 6 упай, "Селтикте" 3 упай, "Баварияда" 3 упай бар. Ал эми "Андерлехтте" азырынча упай жок.

"С" тайпасы

"Атлетико Мадрид" (Гризманн 40-мүнөт) - "Челси" (Мората-60, Миши Бачуайи-90+3) 1:2;

"Карабах" (Педро Энрике-28) - "Рома" (Манолас-7, Эдин Джеко-15) 1:2;

Экинчи турдун жыйынтыгы боюнча "Челсиде" 6 упай, "Ромада" 4 упай, "Атлетикодо" 1 упай бар.

“D” тайпасы

"Спортинг" - "Барселона" (Коатес 49-мүнөт, автогол) 0:1;

"Ювентус" (Гонсало Игуаин-69, Марио Манджукич 80-мүнөт) - "Олимпиакос" 2:0;

Экинчи турдан кийин "Барселонада" 6 упай, "Ювентуста" 3 упай, "Спортингде" 3 упай бар.

“F” тайпасында "Манчестер Сити" 6 упай менен көч башында баратса, “E” тайпасында "Севилья" 4 упай менен алдыда. Ал эми “G” тайпасында "Бешикташта" 6 упай болсо, “H” тайпасында "Реал" менен "Тоттенхэмде" 6дан упай бар.

Чемпиондор Лигасынын тайпалык баскычында 3-турдун оюндары 17-18-октябрь күндөрү өтөт.

Автор: Бекжан Рыскулов