Кыргыз өлкөсүнүн спортчулары ушу-саньшоу боюнча Дүйнө биринчилигине катышат

Кыргыз өлкөсүнүн спортчулары спорттун ушу түрү боюнча Дүйнө биринчилигине катышат. Бул тууралуу Жаштар иштери, дене-тарбия жана спорт агенттигинин маалымат катчысы билдирди.

Анын айтымында, ушул жылдын 26-сентябрынан 4-октябрына чейин Орусиянын Казань шаарында ушу боюнча өтө турган XIV Дүйнө биринчилигине Кыргыз өлкөсүнүн ушу-саньшоу боюнча улуттук курама командасы катышат.

Команданын тизмеси:

Туратбек Сулайманкул уулу 1990-жылы төрөлгөн, 48 килограммга чейинки салмакта эл аралык класстагы спорт чебери;
Куан Абдыраимов 1990-жылы төрөлгөн, 90 килограммдан өйдө салмактык категорияда эл аралык класстагы спорт чебери;
Жоомарт Келдейбай уулу 1995-жылы төрөлгөн, 75 килограмм салмакка чейинки категорияда спорт чебери;
Тагайбек Өмүржанов – башкы машыктыруучу.

Агенттиктен билдиришкендей, аты аталган спортчулар Казань шаарына учуп кетишкен.

Автор: Айзада Тураркулова
Фото: Интернеттен алынган