Кыргыз спортчу ушу боюнча Дүйнө чемпиондугунда коло медалга татыды

Орусиянын Казань шаарында 26-сентябрь-4-октябрь аралыгында өткөн ушу-саньшоу боюнча XIV Дүйнө чемпиондугунда Кыргыз спортчу коло медалын багындырды.

80 килограммга чейинки салмак ченинде күч сынашкан Талантбек Акматов чейрек финалда алжирдик мушкерге туш келип 2:1 эсебинде жеңишке жеткен. Финалга чыгуу үчүн беттеште Кыргыз спортчу орусиялык атаандашка кез келген. Беттештин жыйынтыгында Кыргыз спортчу жеңилип, ошентсе да коло медалын тагынды.

Эске салсак, 2016-жылы ушу-саньда боюнча Борбордук Азия биринчилигинде Кыргыз спортчулары 3 алтын, 2 күмүш жана 1 коло медаль тагынышкан.

Автор: Нурсултан Нурболот уулу
Фото: Интернеттен алынган