Үй-бүлөлүк көйгөйлөрдү тамаша аркылуу чагылдырган "Бунт" кинокомедиясы жарык көрдү

Коомдо болуп жаткан үй-бүлөлүк мамиле маселелерин чагылдырган "Бунт" кинокомедиясы бүгүн, 5-октябрда Бишкектеги кинотеатрлардын биринде жабык эшик артында көрсөтүлдү.

Жаңыдан кино дүйнөсүнө аралашып келе жаткан тасманын жаратуучуларына пикирлерин айтып, фильмге назар салуу үчүн режиссёрлор Сүйүн Откеев, Бакыт Осмонканов жана кино сүйүүчүлөр келишти.

Тасманын максаты - турмушта болуп жаткан үй-бүлөлүк маселелерди юмор аркылуу баяндоо болгон. Окуя бир үй-бүлөнүн айланасында жүрүп, анда өзүнүн мүнөзү, жашоо образы менен бири-биринен айырмаланган 3 бир туугандын жубайлары жана ата-энеси менен болгон мамилеси камтылган.

Тасманын жаратуучуларынын айтымында, комедияны тартуу иштери жай айларында орозо убагында башталган: "Тасманы тартуу идеясы продюсерге таандык, ал эми сценарийди "тамашоучу" "No Name" командасынын балдары жазышкан. Сценарийди окуганда эле башкы ролдорду ким жаратарын дароо элестеттик. Менин оюмча, биз көздөгөн максатыбызга жетип, көрүүчүгө коомдо жана үй-бүлөдө болуп жаткан көйгөйлөрдү күлкү аркылуу жеткире алдык деп ойлойм", - дейт режиссёру Сапар Сайназаров.

Комедияда башкы ролдорду Максат Тасмаев, Гүлмира Турсунбаева, Айжамал Кабылова, Жакут Сыдыков, Мурат Жалиев аткарышкан.

Актёрлор фильмди тартуу учурундагы кызыктуу окуяларга токтоло кетишти. Айтымдарында, тасма тартылып жаткан үйдөгү ит тынымсыз үрө бергендиктен аны токтотуу үчүн ага улам-улам эт берип турушкан. Тартуу иштеринин аягында 1 ай эт жеген иттин бир топ эле багылып калганын байкашкан.

"Тасмага тартылып жаткан мезгилде өзүмдү голливуд жылдызындай элестеттим. Тартуу иштери мыкты деңгээлде өттү. Негизи өзүм тартылган тасмалардын бет ачар аземдерине катышпайм. Бирок бүгүн роль жараткан тасмамды биринчилерден болуп көрөйүн деп келдим", - деп билдирди актриса Гүлмира Турсунбаева.

"Бунт" тасмасы эртең, 6-октябрдан тартып Бишкек шаарындагы бардык кинотеатрлардан көрсөтүлө баштайт.

Кайнене жана анын келиндери "Бунт" чыгарышты

Автор: Айзада Тураркулова
Фото: Айзада Тураркулова

14:35 05-10-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 746 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 923 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1189 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1139 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 608 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2292 0

Архив

Комментарийлер (6)

luuntik

2017-10-05 14:46:41

көрүш керек экен жакшы кино болуш керек

AKCAHAT

2017-10-05 15:56:33

Келиндер козголону деген спектакль бар беле озьектерлин ошонун эле эгизиндей сезилди. Идея ошояктан чыккан

Pandora

2017-10-08 12:37:08

AKCAHAT,Идея ошол жактан чыкпаса да бул корунуш жашоодо болуп эле келген.

Bek_abad

2017-10-05 17:51:56

Эми аны биз рфдагылар 2019 жылы корсок керек...
ушинтип кино чыкканын угуп кала беребиз интернетке эч беришпейт..
Мисалы баякы Курут деген кино чыкканына канча болду дагы эле жашырып отурушат... Доктор Айболоттон кийин кино деле кутпой койдум. ...

Musio

2017-10-08 11:43:53

Bek_abad,Кино озун актаган сон _анан чыгышы мумкун инетке...

Platon96

2017-10-05 22:02:03

Балдар тетииик,айттымго зынк болот деп

Комментарий калтыруу үчүн өз ысымыңыз менен кириңиз же каттоодон өтүңүз.