ЖЫЛНААМА, 5-ОКТЯБРЬ: "Эми олуттуу ойлонуп, жашоого болгон көз карашымды өзгөртөм" дейт туулган күнүн белгилеп жаткан Айдана Дека

Бүгүн, 5-октябрда жаш ырчы, бийчи Айдана Деканын өздүк майрамы. Ырчыны туулган күнү менен куттуктап байланышканыбызда туулган күнүн кечээ эле майрамдап баштаганын билдирди.

"Туулган күнүмдү кечээ курбу кыздарымдын, сахналаш досторумдун арасында тосуп баштагам. Баары мен каалагандай өттү. Көптөгөн жакшы каалоо-тилектер айтылып, жакшы маанайда отурдук. Бүгүн болсо өздүк майрамымды үй-бүлөмдүн курчоосунда белгилеп жатам. Азыркы тапта апам экөөбүз дүкөндөрдү кыдырып жүргөн чагыбыз", - дейт ал.

Ырчы 21 жашка толгонун белгилеп, жашоого болгон көз карашын өзгөртүп, олуттуу ойлоно баштоого аракет жасаарын айтат.

"Жылдан жылга адамдын өзүнө болгон жоопкерчилиги жогорулайт окшойт. Менде ошондой сезимдер болуп жатат. Бул туулган күнүмдө да көптөгөн белектерге ээ болдум, алардын ичинен эң жакын курбумдун берген алтын шакеги да өзгөчө маанай тартуулады", - деди Айдана.

Айдана Дека 1996-жылы 5-октябрда төрөлгөн. Мураталы Күрөңкеев атындагы музыкалык окуу жайынын эстрадалык вокал бөлүмүн аяктаган.

5-октябрга карата жылнаама.

Автор: Айзада Тураркулова
Фото: Ырчынын өздүк баракчасынан алынды