Швейцариялык теннисчи Роджер Федерер Шанхайдагы "Мастерс" мелдешинин финалында Рафаэль Надалды жеңип алды

Кытайдын Шанхай шаарында 8-15-октябрь аралыгында өткөн профессионалдуу теннисчилердин ассоциациясынын "Мастерс" мелдешинде Роджер Федерер жеңишке жетип, карьерасындагы 94-титулун жеңип алды.

"Мастерс" мелдешинин финалында швейцариялык Роджер Федерер испан теннисчиси Рафаэль Надалга туш келген. Беттештин жүрүшүндө Федерер сеттер боюнча 6:4 жана 6:3 эсебинде атаандашын жеңип, сезондогу 6-титулуна ээ болду.

Эске салсак, Роджер Федерер июль айында эркектер арасындагы теннис боюнча "Чоң шлемдин" түркүмүнө кирген "Уимблдон" аттуу мелдешти 8-ирет багындырган.

Автор: Нурсултан Нурболот уулу
Фото: Интернеттен алынган