Айсулуу Тыныбекова, Дарья Маслова, Юрий Краковецкий жана дагы 5 спортчу мамлекеттен 45 миң сом стипендия алышат

Жаштар иштери, дене тарбия жана спорт агенттиги 2017-жылдын 1-июлунан баштап 31-декабрга чейин мамлекеттен стипендия алган спортчулардын тизмесин жарыялады. Бул тизмеде жалпы эсепте 227 спортчу бар. Стипендиялар 7 категорияга бөлүнгөн, анда 2 миң сомдон 45 миң сомго чейин акчалай сыйлык каралган.

Жогорку категориядагы стипендиаттардын арасына 8 спортчу кирген, алар эл аралык аренада жакшы натыйжаларды көрсөткөн спортчулар. Жаңы тизмеде Иззат Артыков жана Арсен Эралиевдин ордуна жеңил атлетика боюнча Азия чемпиондугунда алтын медаль тагынган Дарья Маслова жана Бразилиянын Рио-де-Жанейро шаарында өткөн Олимпиадада дзюдо боюнча 7-орунга ээ болгон Юрий Краковецкий киргизилген.

Жогорку категориядагы стипендиянын ээлери:

Эламан Догдурбек уулу - спорт чебери. Эркин күрөш боюнча 2016-жылы Дүйнө чемпиондугунда 3-орунга ээ болгон. Стипендиянын өлчөмү 45 миң сом.

Ильгиз Каналбек уулу - спорт чебери. Ден соолугунун мүмкүнчүлүгү чектелген адамдар арасындагы (паралимпиада) дзюдо боюнча Дүйнө чемпиондугунда күмүш медалдын ээси. Стипендиянын өлчөмү 45 миң сом.

Айсулуу Тыныбекова - эл аралык категориядагы спорт чебери. Бразилиянын Рио-де-Жанейро шаарында өткөн Олимпиада оюндарында кыз-келиндер арасындагы күрөштө 5-орунга ээ болгон. Стипендиянын өлчөмү 45 миң сом.

Юрий Краковецкий - эл аралык категориядагы спорт чебери. Бразилиянын Рио-де-Жанейро шаарында өткөн Олимпиада оюндарында дзюдо боюнча 7-орунга ээ болгон. Стипендиянын өлчөмү 45 миң сом.

Каныбек Жолчубеков - спорт чебери. Грек-рим күрөшү боюнча студенттер арасындагы Дүйнө чемпиону. Стипендиянын өлчөмү 45 миң сом.

Дарья Маслова - эл аралык категориядагы спорт чебери. Жеңил атлетика боюнча Азия чемпиондугунун жеңүүчүсү. Стипендиянын өлчөмү 45 миң сом.

Эсен Калиев - спорт чебери. Ден соолугунун мүмкүнчүлүгү чектелген адамдар арасындагы пауэрлифтинг боюнча Дүйнө кубогунун алтын медалынын ээси жана Бразилиянын Рио-де-Жанейро шаарында өткөн Олимпиада оюндарында 5-орунду ээлеген. Стипендиянын өлчөмү 45 миң сом.

Жыргал Орозбаев - спорт чебери. Паралимпиада спортчулары арасындагы пауэрлифтинг боюнча Дүйнө кубогунда 3-орунга ээ болгон жана Бразилиянын Рио-де-Жанейро шаарында өткөн Олимпиада оюндарында 6-орунду ээлеген. Стипендиянын өлчөмү 45 миң сом.

Категориялар	Стипендиаттардын саны	Стипендиянын өлчөмү (сом)	Сумма (сом)
Жогорку категория	8	45000	360 000
I	13	25000	325 000
II	41	15000	615 000
III	49	8000	392 000
IV	57	5000	285 000
V	18	3000	54 000
VI	40	2000	80 000
ЖАЛПЫ:	227		2 111 000
Бардыгы 6 ай ичинде			12 666 000

Автор: Нурсултан Нурболот уулу

17:45 17-10-2017

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (20)

kenje-888

2017-10-17 17:48:38

Айсулуу турмушка чык

tram-lam

2017-10-17 18:44:58

kenje-888, жанагы туугандардан уга берип тажаган созду айтыпсыз да

aibars

2017-10-17 17:54:44

Стипендия ошондо ай сайын берилеби? Канча убакка чейин?

Piligrim

2017-10-17 17:57:03

aibars,
6 ай ичинде деп туратко.

Piligrim

2017-10-17 17:55:50

Айбай көпко а?! :)
Орустар миллиондорду берет, квартира, машина.
Ошон үчүн бизде спортко кызыгуу аз, базарда соода кылсак мындан көп табабыз.

ori

2017-10-17 17:59:43

Piligrim, XXXX мамлекет акырындан бутуна туруп миллиондорду бергенге жеткизсин!45 биздин спортчуларга эбегейсиз чон акча!жана да спортко жакшы эле конул бурулуп келе жатат!суйлойт десе эле XXXX

ori

2017-10-17 18:02:43

Piligrim,сен базарда картошконду сата бер а биз кыргызстандын онугушуно салым кошо беребиз керек болсо 45 мин стипендиясы жок эле !акча аз толойт кызыгуу аз деп !намыс акчадан жогору ар бир кыргыз учун!уят кайда сенде?

Rasul94

2017-10-17 18:53:17

ori,сенин оюн туура негизинен.сага плюс

Piligrim

2017-10-17 18:01:09

Бер 2-3 миллиондон АША. Шайлоого кетирдинго түзүк эле. Кыргызстандын атагын чыгаргандарга эмнеге аз?

ori

2017-10-17 18:06:44

Piligrim,саясатты спортко аралаштырба!бер деп сурангыдай сага картошка базар эмес спорт ар ким озунун жасаган ийгилигине жараша алат!

Piligrim

2017-10-17 18:34:09

ori,
Мушташа алышпасада 2-3 миллиондон бериш керек. Биздин чиновниктер бай. :) Менин картошкам отсо эле менден 1 миллион бар, берем, ХХХХ.

-4

Batma08

2017-10-17 18:01:11

Айпери дагы алыш керек элего

jergetal

2017-10-17 18:47:38

Калы Сулаймановко да берсе жакшы болмок экен

ALMAAAN

2017-10-17 19:50:47

Акжолго да берсе болмок

Tariel_tt

2017-10-17 21:14:15

Акжолго бериш керек!

radroy

2017-10-17 22:03:37

Калы Сулайманов дагы татыктуу эле

Kroxa

2017-10-18 07:36:22

Эч нерсе жактырбайбыз жакыр олкобуз учун 45мин соонун эле да буга чейин ким кайсы спортчуга мамлекет стипендия толочу эле???

admin_superstan

2017-10-18 10:22:08

ori, кимдир бирөөнүн адамдык аброюна шек келтирүүгө тыюу салынган. Эскертүү!

Karban86

2017-10-18 14:56:18

Кок боручулорго канчадан берет?

Paolo

2017-10-19 04:10:03

Конечно стипендия это хорошо бирок чек ара маселесин дагы чечкиле ей

Комментарий калтыруу үчүн өз ысымыңыз менен кириңиз же каттоодон өтүңүз.