Бишкек шаарында катталган катуу шамалдан 6 дарак кулап, троллейбустун зымдары үзүлдү

Бишкек шаарында катталган катуу шамалдан 6 дарак кулап, троллейбустун зымдары үзүлдү. Бул тууралуу бүгүн, 18-октябрда Бишкек шаардык мэриянын Жашылдандыруу ишканасынан билдиришти.

Маалыматка ылайык, 18-октябрь күнү таңга маал катталган катуу шамалдан улам 6 дарак кулап, бир нече бутак сынып түшкөн. Дарактын кулашынан улам Абдрахманов көчөсүндө троллейбустун зымы үзүлгөн. Шамалдын ылдамдыгы секундасына 21-24 метрге чейин жеткен.

"Катуу шамалдан сынган дарактарды тазалоодо 40 жумушчу, 6 атайын техника иш жүргүзүп жатат. Кырсыктан жабыркагандар жок. Ушул сааттарга чейин 3 дарактын кулашы боюнча 2 кайрылуу түштү. Троллейбустун зымы калыбына келтирилди", - деп билдирди мекемеден.

Автор: Акназар Сулайманкулов
Фото: Интернеттен алынды