Нарында 20 күн мурун жоголгон токойчу дале табыла элек

Нарын облусунун Нарын районуна караштуу Орток айыл аймагында 20 күндөн бери дайынсыз болуп жаткан токойчу дагы деле табыла элек. Бул тууралуу бүгүн, 23-октябрда Өзгөчө кырдаалдар министрлигинин басма сөз кызматынан билдиришти.

Айта кетсек, Орток айыл өкмөтүнүн Жолчубек Абдрасулов аттуу токой чарба кызматкери 3-октябрдан бери дайынсыз болуп, изделип жаткан. Өзгөчө кырдаалдар министрлигинен жоголгон токойчуну 16 куткаруучу издеп, 20 күндөн бери издөө иштери улантылып жатканын кабарлашты.

Автор: Кенжебай Сатканалиев