Алмамбет Шыкмаматов сотто аялынын унаасы кантип сатылганын айтып берди

Бүгүн, 15-ноябрда Бишкек шаарынын Биринчи Май райондук сотунда Жогорку Кеңештин депутаты Алмамбет Шыкмаматовдун иши боюнча соттук отурум уланууда. Анын жүрүшүндө Шыкмаматов суракка алынып, аялынын унаасы кантип сатылганын айтып берди.

“Мен Эсептөө палатасынын аудитору болуп 8 ай иштедим. Ошол учурда 9 аудитордун бешөөнө жаңы унаа сатып алуу үчүн Каржы министрлигинен 4 миллион сом бөлүнгөн. Биз, аудиторлор кеңешип, арзаныраак унаа сатып алууну чечтик. Бизге Тойота Камри, Киа үлгүсүндөгү унаалар сунушталган. Анан мен сентябрь айында Москвага окууга кеткем. Ошол учурда унааларды сатып алуу үчүн тендер жарыяланыптыр.

Кийин мага окуума акча керек болуп калып, аялымдын унаасын саттык. Унааны Москвада жүргөндө айдоочум Али Юкселдин фирмасына 13,5 миң долларга сатыптыр. Октябрь айынын башында Москвадан келип, Юкселден мен акчаны алып кеткем. Андан соң кайра Орусияга барып, окуумдун акчасын төлөп келдим.

Чынында мен Али Юкселдин фирмасы кандай экенин деле билбейт болчумун. Аны тергөөдө тааныдым”, - деди Шыкмаматов.

Эскерте кетсек, Шыкмаматов жеке кызыкчылыгын көздөп, аялынын Мерседес Бенц Е320 үлгүсүндөгү унаасын кымбат баага сатуу үчүн "Барат Люкс" ишканасын тендерге катышкандардын катарына кошууну демилгелеген деп айыпталууда. Шыкмаматов өзү бул ишти "саясий кысым" деп келет. Аталган тендерге 2 фирма катышып, 2011-жылы 5-октябрда жыйынтыкталган.

Автор: Бекжан Рыскулов
Фото: Бекжан Рыскулов

15:42 15-11-2017

Жазылуу

РУБРИКАДАГЫ СОҢКУ КАБАРЛАР

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 41 0

11:47 2025-06-20 | Түркүн дүйнө

Израил Тегеранга жана Рештка сокку урду 244 0

11:32 2025-06-20 | Кылмыштар, кырсыктар

ӨКМ: Өлкөдө бир суткада 42 өрт кырсыгы катталды 94 0

11:29 2025-06-20 | Коом жана турмуш

Мэрдин таңкы кыдыруусу... Айкел менен кичи аренанын курулушу текшерилди 274 0

11:29 2025-06-20 | Супер-Инфо

Алдыга койгон максат кыял бойдон калбашы керек 57 0

11:27 2025-06-20 | Түркүн дүйнө

Норвегиянын Израилдеги элчисинин резиденциясына граната ыргытылды 217 0

Архив

Комментарийлер (4)

Ermekbai

2017-11-15 16:28:37

Эптеп камаш керек болуп жататда

suban78

2017-11-15 16:46:44

Эгер куноосу болсо жооп берсин башкаларга сабак болот. Атамбаев текшер баарын атасынын гору, ойлонсун башка жегичтер. Баары бир бир куну бироо чыгыш керек эле текшере турган.

Makain

2017-11-15 16:52:55

Калп эле олумуш болуп билбей калат шыкмаматтын баласы

Anichka12

2017-11-15 23:19:57

Эхх адам зат эч нерсе бизге жакпайт.Шыкмаматов ак милондорду жегендерди эмне учун кармабайт ошол жагы тушунуксуз алар кот жаламайларыбы

Комментарий калтыруу үчүн өз ысымыңыз менен кириңиз же каттоодон өтүңүз.