Ысык-Көл ОИИБи: "Эки адам мас абалында коңшу келинге асылган жигитти өлтүрүп коюшкан"

Ысык-Көл районунда бир ай мурун катталган адам өлүмүнүн бети ачылды. Ысык-Көл ОИИБинин маалымат кызматынан кабарлашкандай, 19-октябрь күнү болжол менен саат 10:00 чамасында Кашат айылындагы үйлөрдүн биринин алма багында киши колдуу болуп өлгөн 26 жаштагы жергиликтүү тургундун жансыз денеси табылган.

Ыкчам-тергөө тобу тарабынан жансыз денеге кароо жүргүзгөн мезгилде маркумдун баш сөөгүндө көптөгөн канталаган тактар бар экендиги аныкталган. Факты боюнча Кыргыз Республикасынын Кылмыш-жаза кодексинин 97-беренеси (адам өлтүрүү) менен кылмыш иши козголгон.

Жогорудагы факты боюнча күбөлөрдүн айтымында, 17-октябрь күнү болжол менен саат 22:30 чамаларында маркум мас абалында айылдашынын (аял кишинин) үйүнө келип, эшигин ачуусун талап кылып, коркута баштаган. Балдары менен жалгыз болгон келин, мас айылдашынын коркутуусунан коркуп, ошол учурда Бостери айылында иштеп жаткан жолдошуна телефон чалып, тез арада келип калуусун суранган.

Эшикти каккылап жаткан мас айылдашын келиндин коңшулары Асанбек жана Нурбек аттуу адамдар келишип, аны токтотууга аракет кылышат. Андан кийин саат 24:00 чамасында келиндин күйөөсү мас айылдашын үйүнүн жанынан кармап алып, бир нече жолу бетке уруп жибергенде ал белгисиз тарапка качып кетүүгө үлгүргөн. Бирок бир күндөн кийин анын жансыз денеси алма бактан табылат.

"Ыкчам иликтөө иштеринин натыйжасында милиция кызматкерлери кылмышка шектүү адамдардын аты-жөнү бир айдан кийин аныктоого үлгүрүштү. Алар ушул эле айылдын 40 жаштагы К.Асанбек жана 31 жаштагы А.Алтынбек аттуу тургундары болуп чыкты. Аларга коюлган далилдерден улам күнөөлөрүн моюндарына алышты. Шектүү катары кармалышкан адамдар Ысык-Көл РИИБинин убактылуу кармоочу жайына киргизилип, учурда тергөө иштери уланууда", - деп билдиришти ОИИБден.

Автор: Жамалидин Парманкулов

14:05 16-11-2017

Жазылуу

РУБРИКАДАГЫ СОҢКУ КАБАРЛАР

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 41 0

11:47 2025-06-20 | Түркүн дүйнө

Израил Тегеранга жана Рештка сокку урду 244 0

11:32 2025-06-20 | Кылмыштар, кырсыктар

ӨКМ: Өлкөдө бир суткада 42 өрт кырсыгы катталды 94 0

11:29 2025-06-20 | Коом жана турмуш

Мэрдин таңкы кыдыруусу... Айкел менен кичи аренанын курулушу текшерилди 274 0

11:29 2025-06-20 | Супер-Инфо

Алдыга койгон максат кыял бойдон калбашы керек 57 0

11:27 2025-06-20 | Түркүн дүйнө

Норвегиянын Израилдеги элчисинин резиденциясына граната ыргытылды 217 0

Архив

Комментарийлер (6)

murat17

2017-11-16 14:10:36

ушуну кормок буроонун аялына асылыган XXXX

+10

engel

2017-11-16 14:21:25

Не десенер ошо дегиле бирок бироонун аялына асылганы учун туура эле жазасын алыптыр. Кудай кечирсин мени

+10

KDM.Asylbek

2017-11-16 15:27:30

engel,
Не десенер ошол дегиле,бирок бирөөнүн
аялына асылганы үчүн туура эле
Жазасын алыптыр дегенин жакшы экен
Бирок кудай кечирсин мени дегенине
тушунбой турамда ушу?

-4

ayluu_tun

2017-11-16 15:35:13

Туура эле жазасын алыптыр, балакетин алабы бироонун аялынын

ayluu_tun

2017-11-16 15:35:23

Берки экоо акталып кетсе экен эми

Arlenchik

2017-11-16 18:56:37

Берки экоону акташ керек, ошону кормокда анан тунучундо келип алып жаш балдары мн аял кишини коркутуп атса.

Комментарий калтыруу үчүн өз ысымыңыз менен кириңиз же каттоодон өтүңүз.