Бишкекте турак жайда чыккан өрт өчүрүлдү

Бишкекте турак жайда чыккан өрт толук өчүрүлдү. Бул тууралуу бүгүн, 21-ноябрда Өзгөчө кырдаалдар министрлигинен билдиришти.

Маалыматка караганда, тилсиз жоону өчүрүүгө эки өрт өчүрүүчү унаа тартылып, саат 19:52де толук өчүрүлгөн. Кырсыктан жабыркагандар болгон жок. Азырынча өрттөн эмне күйгөнү жана анын келип чыгуу себептери белгисиз.

Айта кетсек, Бишкек шаарынын Свердлов районундагы Магадан жана Щербаков көчөлөрүнүн кесилишинде жайгашкан турак жай өрттөнүп жатканы боюнча маалымат бүгүн саат 18:35 чамасында келип түшкөн.

Автор: Бекжан Рыскулов