Кыргыз дзюдочулары Японияда өтө турчу Grand Slam турнирине катышат

Кыргыз дзюдочулары Японияда өтө турчу Grand Slam турнирине катышат. Бул тууралуу Кыргыз Республикасынын Улуттук дзюдо федерациясы билдирди.

Маалыматка ылайык, Tokyo Grand Slam-2017 турнири Токио шаарында 2-3-декабрда өтөт.

"Япониянын борбор шаарына Кыргыз өлкөсүнүн атынан 16 адамдан турган делегация барат. Курамда 8 спортчу жана улуттук кураманын башкы машыктыруучусу Абдужалил Юнусов бар", - деп билдирди федерация.

Жалпы кыз-келиндер жана эркектер арасында 14 медалдар топтому ойнотулат. Бул турнирге 65 мамлекеттен келген 445 спортчу катышат.

Кыргыз курама командасы:

60 килограммга чейинки салмак ченинде - Отар Бестаев;

66 килограммга чейинки салмак ченинде - Артур Те жана Алмаз Алтынбек уулу;

73 килограммга чейинки салмак ченинде - Бектур Рысмамбетов жана Адиль Мырзаев;

81 килограммга чейинки салмак ченинде - Владимир Золоев жана Эрлан Шеров;

100 килограммдан жогору салмак ченинде - Юрий Краковецкий;

Башкы машыктыруучу - Абдужалил Юнусов;

Машыктыруучу - Сергей Мистрюков.

Автор: Айзада Тураркулова