Темир Бирназаровдун "Түнкү кырсык" аттуу тасмасы Эстонияда өткөн кинофестивалдан баш байгени жеңип, 10 миң еврого ээ болду

Режиссёр Темир Бирназаровдун "Түнкү кырсык" деп аталган толук метраждуу тасмасы Эстонияда өткөн эл аралык "А" классындагы кинофестивалда баш байгени жеңип алды.

Кинематографты өнүктүрүү фондунан кабарлангандай, бул тууралуу Эстониянын борбору Таллинде өткөн "Темные ночи" кинофестивалынын жабылыш аземинде, кечээ, 2-декабрда белгилүү болгон.

"Тёмные ночи" кинофестивалы 1997-жылдан бери өтүп дүйнөдөгү эң ири делген 20 кинофестивалдын катарына кирет. Анын баш байгеси 10 миң еврону түзөт. Бул ирет фестивалга дүйнөнүн бир катар өлкөлөрүнөн 20 тасма катышкан. Ал эми Кыргыз өлкөсүнөн барган Темир Бирназаровдун "Түнкү кырсык" деп аталган тасмасы ушул жылы гана тартылган жана ал кыргыз коомчулугуна көрсөтүлө элек. Аталган тасманын бет ачар аземи Эстонияда өткөн.

"Белгилеп кетүүчү жагдай - Кыргыз киносунун тарыхында эл аралык жогорку деңгээлдеги фестивалдарда "Түнкү кырсык" тасмасы биринчи жолу баш байгени жеңип алды", - деп айтылат маалыматта.

"Кыргызфильм" тарабынан каржыланган тасманын узактыгы 1 саат 30 мүнөт. Фильм таң каларлык мүнөздөгү жаш кыз менен улгайып калган курактагы жалгыз жашаган эркек киши жөнүндө. Кызды киши кыштактын четиндеги көчөдөн жаракат алып, жардамга муктаж болуп турган кезинде таап, ага камкордук көрсөтө баштайт. Бара-бара ал кишиде кызга болгон махабат сезимдери пайда болот.

"Бул тасма биздин көңүлүбүздөн дароо орун тапты, адбан жөнөкөй бирок көрүүчүнү өзүнө арбап алат экен. Өмүр бою азап тартып жашаган адамдын тагдыры тууралуу жакшы баян. Түнкү кырсык ал адамдын турмушунун өзгөрүүсүнө, бакытка жетүүсүнө себеп болуптур", - деген фестивалдын калыстарынын бири фильм тууралуу.

Автор: Кызжибек Раимова
Фото: Кинематографты өнүктүрүү фонду

12:57 03-12-2017

Жазылуу

РУБРИКАДАГЫ СОҢКУ КАБАРЛАР

18:34 2025-05-10 | Саясат

Бишкектеги мектептердин бири казак президентинин атасынын наамын алды 136 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 160 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 697 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 545 0

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 523 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 1121 0

Архив

Комментарийлер (4)

bosmos77777

2017-12-03 13:09:40

Алга Кыргыз!!! Ийгиликтер болсун!!! Бирок жанагыл, Бексултан Жакиевден баштап, Нурбек Эгенге окшоп,Кыргыздын начар жашоосун жана тошок оюндарын, ачык корсотподубу бекен ?

abusait

2017-12-03 13:40:00

bosmos77777, Европага так ошол сен ойлогон нерселер жагатда.

Baatirbek81

2017-12-03 16:47:18

Анысы жок кинонун кызыгы болбойтда

bekov01

2017-12-04 01:03:09

Кут болсун! Дагы да ийгилик

Комментарий калтыруу үчүн өз ысымыңыз менен кириңиз же каттоодон өтүңүз.