"Tsunami Cup-2017": Кыргыз футболчулары Индонезия курамы менен кез келүүдө. Эсеп 1:0 Кыргыз өлкөсүнүн пайдасында

Бүгүн, 6-декабрда Индонезияда өтүп жаткан "Tsunami Cup-2017" футболдук мелдешинин алкагында Кыргыз өлкөсүнүн олимпиадалык курама командасы Индонезиянын курама командасы менен беттешүүдө. 1-таймдын жыйынтыгында Кыргыз курама командасы 1:0 эсебинде алдыда келүүдө.

Алгачкы голду оюндун 20-мүнөтүндө Бекжан Сагынбаев киргизди. Ал атаандашынын айып аянтчасында Элдияр Сардарбековдун чыгарып берүүсүн таамай сокку менен жыйынтыктап, эсеп санын ачты.

Айта кетсек, Кыргыз өлкөсүнүн олимпиадалык курама командасы аталган мелдештин алкагында 2-ирет жеңишке жетип турнирдик жадыбалда 1-орунга көтөрүлгөн. Алсак, Монголияны 3:0, Брунейди 4:0 эсебинде утуп алышкан.

Маалыматка ылайык, аталган мелдеште Кыргыз курама командасы 2018-жылы Индонезияда өтө турган Азия оюндарына даярдык катары катышууда.

Оюндар олимпиадалык мелдештердин эрежеси боюнча өтөт. Анда курама командадагы 3 оюнчудан башкасы 23 жаштан жогору болбоого тийиш.

Негизги курамдын тизмеси:

Аманбек Маныбеков;

Бекжан Сагынбаев;

Аскар Салиев;

Бахтияр Дүйшөбеков;

Султан Момунов;

Элдияр Сардарбеков;

Мустафа Юсупов;

Кадырбек Шаарбеков;

Азамат Байматов;