Кыргыз мушкери Тилек Машрапов UFC менен келишим түзүү алдында турат

"Жаш-Күч" спорттук клубунун президенти Айбек Мусаев

Мушкер Тилек Машрапов

Кыргыз мушкери Тилек Машрапов АКШдагы эң беделдүү мелдеш боюнча UFC уюму менен келишим түзүүнүн алдында турат. Бул тууралуу бүгүн, 6-декабрда "Жаш-Күч" спорттук клубунун президенти Айбек Мусаев маалымат жыйында билдирди.

Анын айтымында, Тилек Машрапов АКШ аймагында 2 беттеш өткөрүп жеңишке жетсе, UFC уюму аны менен келишим түзүүгө даяр болгонун билдирген.

"Бул куру сөз эмес, анын далилдөөсү бар. Тилек Машрапов 2 беттеште жеңүүчү аталса, америкалык UFC уюму аны менен келишим түзөт. Машрапов 1 беттеш өткөрүп жеңүүчү болду, ал эми дагы 2-беттеши боюнча кыйынчылыктар болуп жатат. Атаандаштар дал келбей мелдештер жылып кетүүдө. Муну менен бирге 2018-жылга карата дагы бир америкалык беделдүү "Bellator" уюму 4 беттешке келишим түзүүгө сунуш кылып жатат. Бул келишимге биз макул болуп, 4 беттеш өткөргөндөн кийин UFC менен келишим түзөбүз", - деди Мусаев.

Автор: Нурсултан Нурболот уулу
Фото: Нурсултан Нурболот уулу