Бишкекте күйөөсүн бычактап өлтүрүүгө шектелген аял кармалды

Бишкекте күйөөсүн бычактап өлтүрүүгө шектелген аял кармалды. Бул тууралуу бүгүн, 12-декабрда Бишкек шаардык ички иштер башкы башкармалыгынан билдиришти.

Маалыматка караганда, окуя 7-декабрь күнү Арча-Бешик конушундагы турак үйлөрдүн биринде болгон. Анда күйөөсү менен аялынын ортосунда уруш чыгып, аялы 1974-жылы туулган М.С. аттуу күйөөсүн бычак менен сайып салган. Жабырлануучу алган жаракатынан улам көз жумган.

Учурда кылмышка шектүү катары 1982-жылы туулган М.М. кармалып, убактылуу кармоочу жайга киргизилди.

Эскерте кетсек, 8-декабрда өздүк булактар аталган даректе адам өлүмү катталгандыгын SUPER.KG'ге билдирген. Милиция кызматынан аталган кылмышка шектүү кармала электиги кабарлаган.

Автор: Бекжан Рыскулов