АКШ Камчы Көлбаевге каршы санкция салды

АКШнын Каржы министрлиги Орусиянын жана мурдагы СССРдин курамынан чыккан мамлекеттердеги 10 чакты "мыйзамдагы ууруларга" каршы санкция салды. Мындай маалымат мекеменин расмий сайтына 22-декабрда жарыяланды. "Кара тизмеге" киргендердин арасында Кыргыз мамлекетинин жараны Камчы Көлбаев да бар.

Ошондой эле "кара тизмеге" Орусиянын, Грузиянын жана Өзбекстандын жарандары киргизилген.

АКШ 21-декабрда да дүйнөдөгү укук бузууларга тиешеси бар деп айтылган бир канча адамдарга жана бир канча уюмга санкция киргизген. Тизмеде Өзбекстандын экс-президенти маркум Ислам Каримовдун улуу кызы Гүлнора Каримова, украиндик "Беркут" полкунун мурдагы командири Сергей Кусюк жана Орусиянын башкы прокурору Юрий Чайканын уулу Артём Чайка бар.

Айта кетсек, Көлбаевге "адам уурдоо", "мыйзамсыз курал-жарак сактоо жана аны алып жүрүү" сыяктуу оор кылмыш беренелери боюнча айып тагылып, ал 2012-жылы 8-декабрда ал Бишкекке Дубайдан келип, өз ыктыяры менен колго түшүп берип, камакка алынган.

2013-жылдын 18-октябрында Бишкек шаарынын Биринчи Май райондук соту аны "акча талап кылуу" беренеси боюнча күнөөлүү деп таап, 5 жыл 6 айга эркинен ажыраткан. Кийин Көлбаевдин жактоочусу Сергей Манукян соттун чечимине макул эместигин билдирип, Бишкек шаардык сотуна кайрылган. Шаардык сот Көлбаевдин жаза мөөнөтүн 3 жылга чейин кыскарткан. Буга да макул болбогон айыпталуучунун жактоочусу Жогорку Сотко кайрылган.

Жогорку Сот 2014-жылдын май айында Бишкек шаардык сотунун чечимин күчүндө калтырган. 2014-жылы 8-июнда Камчы Көлбаевдин жаза мөөнөтү аяктап, эркиндикке чыккан.

Автор: Жамалидин Парманкулов

12:54 23-12-2017

Жазылуу

РУБРИКАДАГЫ СОҢКУ КАБАРЛАР

23:52 2025-06-19 | Түркүн дүйнө

АКШ менен Иран бийлигинин ишенимдүү адамдары телефон аркылуу байланышты 982 0

23:15 2025-06-19 | Кылмыштар, кырсыктар

Бишкекте скутерди башкарып бара жаткан жигит кулап, унаа тебелеп кетти (видео) 1157 0

22:34 2025-06-19 | Спорт

41:0. Кыргыз балбаны бир дагы упай алдырбастан Азия чемпиону болду 1243 0

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 1773 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 1317 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 574 0

Архив

Комментарийлер (6)

MUHLISA

2017-12-23 13:33:35

Камчы Көлбаев дегенди такыр таанычуу эмес экемин .Бирок АКШнын бөлөк маммлеккеттердин адамдарына карата кылмыш козгоого же санкция жүргүзүүгө акысы барбы ?Калкка сулуу формада билдирүү жөнөтүп туруп ,ар өлкөнүн инсандарын тазалоо башталдыбы ?37-жылкы реперациянын жаңы иштелип чыккан үлгүсүнө окшоп жататго ....негедир,санқция дегендери .

bema10

2017-12-23 14:43:16

Охоо, кыргыздын жаман жактары АКШ га чейин жетиптир да. Окунучтуу

Okna

2017-12-23 15:22:49

Эээ булжерде башка нерсе бар Камчыны сатып алышмакчы АКШы анан Айтканын кылдырат

Karban86

2017-12-23 17:59:53

Okna,созундо жан бар

pixduel1

2017-12-24 02:18:37

Туура кылат Америка молодец! Кыргызстан,Россия жб олколордо мыйзам жок! Байлар сотторду сатып ала берет,адамдарды атып кетип,крим чойросун кенейтип,бизнес кылып башын иштеткендердин канын соруп журушот.Америка адамдарды тоноп байлыгын афшордо сактагандарды,олкодон качып кеткендердин акчасын тондоруп,бетин ачып атат мунун эмнеси жаман?! Тушунуп тушунбой жаман дей берген да болбойт!

daniel87

2017-12-24 09:59:16

pixduel1,туура айтасын Тууганым кээде ушул Орусияда жашап жатып ушулардын саясатынын ак,таза экенинде кумон санап кетем!кээ бир адамдардын ойунда Орусия эн онуккон адамдарынын жашоосу мыкты денгээлде деп ойлошот бирок жакшылап анализдесенер такыр андай эмес!жашоо бир канча оор!Кыргыздарым 14,15сааттап иштеп бир уйго кобу тыгылып жашап акча топтоп керегине жаратат.норма жашап корчу кысынбай адамдай болуп !биринчи айлыгын экинчи айга жетпейт

Комментарий калтыруу үчүн өз ысымыңыз менен кириңиз же каттоодон өтүңүз.