Диего Марадонанын рекордун футболчу Марек Гамшик жаңылады

Италиялык "Наполи" клубунун футболчусу Марек Гамшик аргентиналык белгилүү футболчу Диего Марадонанын рекордун жаңылады. Бул тууралуу чет элдик басылмалар жазышат.

Маалыматка караганда, Италия чемпиондугунун 18-турунун алкагындагы "Наполи"-"Сампдория" беттешинде Гамшик гол киргизгенге үлгүргөн. Муну менен ал "Наполи" клубунда өткөргөн карьерасында 116-голду киргизип, аталган клубдун мыкты бомбардири болду. Бул жыйынтык менен Гамшик Марадонаны рекордунан ашып өттү.

Айта кетсек, Марек Гамшик "Наполи" клубунда 2007-жылдан баштап ойноп келүүдө. 2017-2018-жылдын сезонунда жарым коргоочу 2 гол киргизген.

"Наполи"-"Сампдория" беттеши 3:2 эсебинде аяктаган, бардык голдор алгачкы таймда киргизилген.

Автор: Нурсултан Нурболот уулу