Ошто белгисиз адамдар үй ээсин өлтүрүп, үйүн өрттөп кетишти

Ош шаарындагы өрттөнгөн үйдөн адамдын күйгөн жансыз денеси табылды. Ал киши колдуу болуп каза болгон. Мындай маалыматты Ош ШИИБинин маалымат кызматы кабарлады.

"25-декабрдан 26-декабрга караган түнү болжол менен түнкү саат 02:40 чамасында Ош шаардык ички иштер башкармалыгынын нөөмөт бөлүмүнө Ош шаарынын Ош көчөсүнүн 100-үйү өрттөнүп жаткандыгы тууралуу кабар келип түшкөн.

Кырсык болгон жерди кароо учурунда ал жерден 1956-жылы туулган Октам А. аттуу үй ээсинин күйүп кеткен денеси табылган. Анын жубайы 1961-жылы туулган аял "Тез жардам" кызматы аркылуу Ош шаардык ооруканасынын жандандыруу бөлүмүнө жеткирилген.

Каза болгон маркум Октам А.нын денесин кароо учурунда, анын денесинде, беттеринде соккудан улам болгон тактардын жана сол көкүрөк тушунда миздүү нерсенин кирген изи бар экендиги аныкталган. Маркумдун киши колдуу болуп каза болгондугу аныкталган.

Маркумдун жубайынын алгачкы кѳрсѳтмѳсүнѳ караганда, түн ичинде болжол менен саат 01:20 чамасында белгисиз бир нече адам үйгѳ киришип, жарыкты өчүрүп, күйөөсүнөн акча талап кылышкан. Ал эми аялын бир нече ирет урганда ал эси ооп жатып калган. Үйгө кирип келгендер аны өлүп калды деп ойлошуп, күйөөсүн сабап, үйгө от коюп туруп кетип калгандыгын айткан", - деп жазылат басма сөз кызматынын маалыматында.

Учурда бул өзгөчө оор кылмыштын бетин ачуу боюнча Кылмыш-жаза кодексинин 97-беренеси (адам өлтүрүү) менен кылмыш иши козголду.

Автор: Гүлжан Асанкожоева

11:44 26-12-2017

Жазылуу

РУБРИКАДАГЫ СОҢКУ КАБАРЛАР

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 211 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 391 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 232 0

20:06 2025-06-19 | Саясат

Рамиз Алиев "Мадина" базарына эмнеге барды? 619 0

19:33 2025-06-19 | Коом жана турмуш

Азыктар жерге чачылып... Ош–Бишкек жолунда жүк ташуучу унаа кырсыктады (видео) 1294 0

18:51 2025-06-19 | Коом жана турмуш

"Билген эмесмин". Блогер Арген Асанов онлайн казинолорду жарнамалаганы үчүн кечирим сурады (видео) 2045 0

Архив

Комментарийлер (7)

kechirmeni

2017-12-26 12:38:58

Азыркы заманда кылмыштын бети ачылбай калышы дээрлик мумкун эмес, эгерде эле бийлик же милиция озу аралаш болбосо жана ото профессияналдуу аткарылбаса. Болбосо ачылышы керек себеби азыр копчулук жерде камералар бар бирине болбосо бирине илинет. Ылайым кылмышкерлер табылып татыктуу жазасын алышын жана жакындарына сабыр тилейбиз!

tular

2017-12-26 13:52:32

kechirmeni, талылат жакшылап издешсе. Азыр ар бир телефондун номерлери зарегистрирован да. Базовая станция аркылуу табылат...

raikakyz

2017-12-26 12:53:39

Тобоо,тобоо.Ата энелериндей адамдарды олтуруп,тоногондордун оз ата энелери жокпу деген ой келет экен.Карыган кишилерди кыйнаган акмактарды Алла жазаласын!Жайы жаннаттан болсун атанын.Жабыркаган эже жакшы болуп кетсин ылайым.

pyeon hwa

2017-12-26 13:14:13

Аялын жакшылап текшергиле!

-4

Dembele84

2017-12-26 13:49:19

Октам,туугандардан окшойт.Может байлыгына кызыккан бироолор кылгандыр же криминалдуу чойро менен аралашы бардыр,эки версия болушу мумкун

Eeva

2017-12-26 17:22:10

Туугандардан окшойт теги олтургондор кыргыздар болбосунда анда иш чатак.

bayanis

2017-12-27 04:09:25

аялынын корсотмосундо шек байкалып турат!кылмышкер эсин оодуруп таштап койбойт,созсуз олтурот бычак же башка менен. душманды алыстан издебе деген соз бар! бул жерде аялы же анын жакындарынын колу бардай.

Комментарий калтыруу үчүн өз ысымыңыз менен кириңиз же каттоодон өтүңүз.