ИИМ: "Улан Саляновдун өлүмүнө шектүү аны менен тааныш болгон эмес"

Шектүү

Улан Салянов

Улан Саляновдун үйү

Депутат Аида Салянованын иниси Улан Саляновдун өлүмүнө шектелип кармалган жаран аны менен тааныш болгон эместигин, бир гана жолу жолугушканын айтканын SUPER.KG'ге ИИМдин маалымат кызматынан кабарлашты. Маалым болгондой, кармалган адам буга чейин карактоо, бейбаштык, уурулук сыяктуу кылмыш иштеринин негизинде 4 жолу соттолгон.

"Улан Саляновдун өлүмүнө шектелип кармалган жаран буга чейин 4 жолу соттолгон. Алдын ала белгилүү болгондой, Улан Саляновду өлтүргөндөр анын акыркы 7 жылда унаа сатып иштегендигин, үйүндө акча бар экендиги боюнча маалыматка ээ болуп, карактоо максатында барышкан. Бирок алар акча талап кылганда маркум менен уруша кетишип ок чыгарып жиберишкен", - деп билдиришти ИИМден.

Кармалган адам 28-декабрда маркумдун үйүнө барып окуя кандай болгонун тергөөчүлөргө көрсөтүп берген.
Учурда Саляновдун өлүмүнө шектүү башка адамдардын аты-жөнү такталып, издөө иштери улантылууда.

ИИМдин маалыматы боюнча, 27-декабрь күнү кечинде Саляновдун өлүмүнө шектүү катары 1986-жылы туулган Бишкек шаарынын Э.О. аттуу тургуну кармалып, Бишкек ШИИББинин убактылуу кармоочу жайына киргизилген. Шектүү кармалган учурда анын жанынан Салянов атылган "Макаров" тапанчасы 17 огу менен табылган.

"Шектүү алдын ала сурак учурунда күнөөсүн моюнуна алды. Анын жанынан табылган тапанча экспертизага жиберилди. Учурда Саляновдун өлүмүнө катыштыгы бар адамдарды кармоо үчүн издөө жана тергөө иштери улантылып жатат", - деп билдиришкен ИИМден.

Эскерте кетсек, ушул жылдын 6-ноябрына караган түнү депутат Аида Салянованын 42 жаштагы иниси Улан Саляновду Бишкекте белгисиз адамдар өз үйүнөн атып кетишкен.

Автор: Жамалидин Парманкулов

16:56 29-12-2017

Жазылуу

РУБРИКАДАГЫ СОҢКУ КАБАРЛАР

23:52 2025-06-19 | Түркүн дүйнө

АКШ менен Иран бийлигинин ишенимдүү адамдары телефон аркылуу байланышышты 157 0

22:34 2025-06-19 | Спорт

"41:0". Кыргыз балбаны бир дагы упай алдырбастан Азия чемпиону болду 754 0

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 1362 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 1062 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 449 0

20:06 2025-06-19 | Саясат

Рамиз Алиев "Мадина" базарына эмнеге барды? 966 0

Архив

Комментарийлер (12)

gute

2017-12-29 17:07:35

Ишениш кыйын. Азыр куноосуз адамды эле куноолуу кылып коюшат

+11

Chemp85

2017-12-29 17:11:50

Чындап олтургонду кармашса экен. Карапайым бечараны кучко салып мойнуна алдырышбай, эгер куноосу болсо жазасын алсын. Булардын айынан бир уй булоо кароосуз кадып отурат, убалы кимге. Эгер жон эле ишти жабыш учун мойнуна алдырышса анда бийликтин абийиринде баары. Убакыт корсото

arena2014

2017-12-29 17:14:32

Кыйнап мойнуга койгондой сезилип жатат

orun

2017-12-29 17:37:37

Бул арсыз бийликтин кезектеги спектакли. "Акылдуулар" тараптан ойлоп табылган сценарий боюнча кетип жатат.

+10

raikakyz

2017-12-29 18:28:33

orun,ооба,кылмыш кылгандар формачандар болгон дешпеди беле.Атайын машиненин артын уй жагына койгон,жип болгон деген далилдер бул балага туура келишине кумонум бар.Эх сотто эх соттор!!!

raikakyz

2017-12-29 18:35:23

raikakyz,анан калса тапанчаны сактап журмок беле ошончо кундон бери.ИИМ озунорду эр ойлобогулачы.Куноосуз куноолуу кыласынар зордоп,уятсыздар!

Elmiraattokurkyzy

2017-12-29 20:09:31

raikakyz,туура 4 жолу соттолосо бул балада кайдан кымбат баалуу машина болсун

Azatbek83

2017-12-29 18:31:30

Жалган Калп !!!!

mirkaa5182

2017-12-29 18:47:14

Уят сөздөр да чыгып кетип атат, супер инфо.

KUBI

2017-12-29 18:52:33

Абайлап жазалы эмоцияга алдырбай.

Kemel29101981

2017-12-30 01:19:29

Экспертизага эми жонотсо, каяктан билишет ошол тапанча экенин.

audi80

2017-12-31 02:07:02

Бул бала менен ИИМдегилер суйлошуп кармаштыда

Комментарий калтыруу үчүн өз ысымыңыз менен кириңиз же каттоодон өтүңүз.