Ырчы Акбар Сүйүнбаев "Маданияттын мыкты кызматкери" төш белгисине ээ болду

Кыргыз эстрада ырчысы Акбар Сүйүнбаев "Маданияттын мыкты кызматкери" төш белгисине ээ болду. Бул тууралуу ырчы SUPER.KG порталына билдирди.

"Бүгүн таң эрте Маданият, маалымат жана туризм министрлигине чакырып "Маданияттын мыкты кызматкери" төш белгисин тапшырышты. Мен үчүн бул күтүүсүз болду. Жаңы жыл алдындагы эң жагымдуу белек болду десем болот", - деп билдирди ырчы.

Ошондой эле ырчы бул наамды алыш үчүн тиешелүү документтерди 2 жыл мурун тапшырып койгонун, бирок ушул жылы берилерин күтпөгөнүн кошумчалады.

Кыргыз эстрадасында өз орду бар ырчы Акбар Сүйүнбаев элге өзүнүн "Сезим", "Махабатым" аттуу ырлары менен белгилүү болгон. Сүйүнбаев өзүн ырчы гана эмес актёр катары да көрсөтө алган, ал "Достор", "Класссташтар" жана башка тасмаларда ролдорду жараткан.

Белгилей кетсек, Акбар Сүйүнбаев 1985-жылы 15-февралда Нарын облусуна караштуу Кочкор районундагы Семиз-Бел айылында туулган. Аталган айылда 8-класска чейин окуп, андан соң Кочкор райондук №15-кесиптик лицейинде ветеринардык окуу жайын аяктаган. "Супер-Инфонун" версиясы боюнча "2006-жылдын супер дебюту" наамынын ээси болгон.

Автор: Айзада Тураркулова
Фото: Ырчынын өздүк баракчасынан алынды

13:03 30-12-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (6)

shumkar929292

2017-12-30 13:17:20

Бул акыркы маалда ырдабай деле калганго

Kojo1995

2017-12-30 15:09:34

Бул сыймык сыймыкка татыктуу эле адам, анткени озү көп ырдабаса дагы жакшы ырларды обондорду жазат

ady-88

2017-12-30 13:47:02

Акбардын мен мектепти бутуп жаткан жылдары тагыраак 2007жылы махабатым деген ыры чыккан эле андан бери он жылдын жузу болуп жатат. Ошого Эми маданыяттын мыкты кызматкери болдубу.

trabzon11

2017-12-30 13:53:46

Калп айтпасам бул обончу беле.коп ырчылардын ырынын обону созу ушул ырчыныкы беле.

muslim87

2017-12-30 14:32:21

Сыйлыгы кут болсун. Ушул төш белгилердин да баркы кетти көрүнгөнүнүн төшүнө тага берип. Маданият кызматкери деп Тынарды, Абдылданы, Бекти, Сыймыкты, Гүлжигитти, Гүлнурду айтса болот. Ушуларга бербейби

Mart19

2018-01-01 17:32:03

Бир кезде 1-2 ыр ырдап коюпле алып алыптырбы сыйлыкты баркы кетиптир да сыйлыктын

Комментарий калтыруу үчүн өз ысымыңыз менен кириңиз же каттоодон өтүңүз.