Кытайдын чыгышындагы Аньхой провинциясында жааган кар 13 адамдын өмүрүн алды

Кытайдын чыгышындагы Аньхой провинциясында жааган кар 13 адамдын өмүрүн алды. Бул тууралуу маалыматты жергиликтүү "Синьхуа" агенттиги жазды.

Маалыматка караганда, жогоруда аталган провинцияда 3-январдан 5-январга чейин катуу суук болуп, калың кар жааган.

"Калың кардан улам 200дөн ашык курулуш кыйрап, 400 курулуш жабыркаган. Алдын ала эсептөөлөр боюнча экономикалык чыгым 500 миллион юань деп бааланууда", - деп айтылат маалыматта.

Ошондой эле Кытайдын беш провинциясында 200дөн ашык жергиликтүү тургун эвакуацияланган. Андан сырткары 100гө жакын адам жардамга муктаж.

Автор: Бекжан Рыскулов