Орусияда 19 жаштагы жигит 11 жаштагы өспүрүмдү тамашага салам деп жатып 17-кабаттан кулатып жиберди

"Орусияда 19 жаштагы жигит 11 жашар өспүрүм менен ойноп жатып көп кабаттуу үйдүн 17-кабатынан кулатып жиберген. Өспүрүм кырсыктан каза болгон", - деп жазылат жергиликтүү маалымат булактарында.

Маалыматка ылайык, 30-декабрда Москва облусундагы Реутов шаарында 19 жаштагы жигит 11 жаштагы бала менен көп кабаттуу үйдүн 17-кабатына чыгышкан. Шаарга көз жүгүртүп, терезеден башын чыгарып ойноп жаткан 11 жаштагы баланы тамашалап чочуткусу келген жигит аны бутунан өйдө көтөрүп терезеден башын бир аз чыгарган.

Ошол учурда бала кармана албай жерге кулап кеткен. Коркуп кеткен шектүү баланын уюлдук телефонун өчүрүп, таштандыга ыргытып жиберип качып кеткен. Кийин гана иликтөө иштеринин негизинде ал окуяга шектелип кармалып, убактылуу кармоочу жайга жеткирилип, ага карата кылмыш иши козголгон.

Автор: Кенжебай Сатканалиев