Бишкекте дайынсыз болуп жаткан 19 жаштагы жигиттин жансыз денеси табылды. Көзү ачыктар аны тирүү дешкен

Өткөн жылдын 5-декабрынан бери дайынсыз болуп жаткан 19 жаштагы Жолдошбек уулу Жаркынбектин жансыз денеси табылды. Бул тууралуу бүгүн, 13-январда SUPER.KG'ге маркумдун таякеси Алтынбек Жаанбаев билдирди.

"Жаркынбек 4-декабрь күнү жумуштан чыгып Курманжан датка көчөсүндөгү “Голден сезон” аттуу кафеде достору менен эс алып отурушкан экен. Жээним алар менен чогуу кетүүгө макул болбой, кафеде калып калыптыр. Ошону менен үйгө кайтып келген эмес.

Биз аны издөө үчүн сүрөтүн бардык маалымат булактарына берип, күч органдарына кайрылдык. Төлгөчүлөргө барсак, "ал тирүү бир үйдө камалып жатат, жанында дагы 3 бала бар" дешкен. Көрсө, анын сөөгү 20-декабрда эле Бишкектеги Чоң Чүй каналынан табылыптыр. Биз муну 27-декабрда өлүкканадан билдик.

Ал 29-декабрда өзү туулган Куланак айылында жерге берилди. Сууда жата берип денеси шишип кетиптир. Киши колдуу болгон деп ойлоп жатабыз. Себеби жылаңач кылып чечинтип, сууга ыргытып жиберишиптир. Кийимдерин таппай койдук. Учурда судмедэкспертизанын жыйынтыгын күтүүдөбүз", - деди маркумдун таякеси.

Жаанбаев билдиргендей, каза болгон жигит 1998-жылдын 15-апрелинде Нарын облусунун Нарын районуна караштуу Куланак айылында төрөлгөн. Мектепти бүткөн соң Бишкек шаарындагы “Мадина” базарынын жанында жайгашкан тигүү цехтеринин биринде үтүкчү болуп иштеп жүргөн. Үйлөнгөн эмес. Бир тууган агасы менен Чоң Чүй каналы тарапта батирде чогуу жашашчу. Учурда апасынын жүрөгү ооруп, ооруканада дарыланууда. Кылмышкерлер табыла элек.

Эскерте кетсек, буга чейин Бишкекте 2017-жылдын 5-декабрынан бери дайынсыз болуп жаткан 19 жаштагы Жолдошбек уулу Жаркынбек изделип жаткан. Ал 4-декабрдан 5-декабрга караган түнү Курманжан датка 115-дарегинде жайгашкан "Голден сезон" кафесинен чыгып үйүнө кеткен боюнча келген эмес.

Автор: Максат Орозумбетов

17:01 13-01-2018

Жазылуу

РУБРИКАДАГЫ СОҢКУ КАБАРЛАР

19:33 2025-06-19 | Коом жана турмуш

Азыктар жерге чачылып... Ош-Бишкек жолунда жүк ташуучу унаа кырсыктады (видео) 315 0

18:51 2025-06-19 | Коом жана турмуш

"Билген эмесмин". Блогер Арген Асанов онлайн казинолорду жарнамалаган үчүн кечирим сурады (видео) 1099 0

18:33 2025-06-19 | Коом жана турмуш

Айбек Жунушалиев Жер-Ынтымагы конушунун тургундары менен жолукту 227 0

18:09 2025-06-19 | Бизнес-Инфо

Бакай Иншуренс — Bakai Bankтын камсыздандыруу компаниясы 171 0

18:00 2025-06-19 | Кылмыштар, кырсыктар

Баңгизаттарды мыйзамсыз жүгүртүү менен алектенген кылмыштуу топ кармалды 386 0

17:39 2025-06-19 | Коом жана турмуш

Коноктор кетип калып... Чегирткелер үлпөт тойду бузушту 1346 0

Архив

Комментарийлер (23)

Azat.97

2018-01-13 17:41:40

Жаткан жерин жайлуу болсун Жаркынбек!

+13

Nazaralikarakulja

2018-01-13 18:28:16

Баары ичкилик кафеден шайтандын оюндарынан коп олум келип чыгып жатат бейишин берсин Аллах Ким олтурсода жазасын алсын

Badr.Hari.

2018-01-13 18:33:07

Козу ачыктар урдуруп коё беретта. Жайы жанаттан болсун.

muslim87

2018-01-13 19:02:30

Жаткан жери жайлуу болсун Аллахым күнөөлөрүн кечирген болсун. Ушу көзү ачыктарга ишенгендерге таң калам кантип ишенишет аферистерге деп. Көзү ачыктар көрөгөч болсо аалам сырларына келбей эле ким утаарын билип алат элего же биринчи орунду алыш үчүн 40 миң доллар бербейт элего. 40 миң доллар берээрде элге билинип шерменде болуп калышын билип андай кылбай коёт элего. Дүйнөгө аты чыккан сокур кемпирдин деле айткандары болбой калп болдуго. Болду эми сантрак сөздөргө ишене бербегиле.

falkao

2018-01-14 06:24:15

muslim87,Кимге каршы скйлоп тынсынып текеберлик кылсан ошого күнүн түшүп калашы толук мүмкүн. Бирооно билбей жаман сүйлөгөндөн алыс бол. Козү ачыктардын да ишенчүлөрү бар.

-2

muslim87

2018-01-14 17:09:31

falkao, көзү ачыктарга күнүм түшкөндөн Кудай сактасын. Аллахым адам сымал шайтандардан өзү сактасын.

KIRA.

2018-01-13 20:30:58

иий аттин бири кем дуйно,татынакай бала экен,аллахым бейишинен орун берсин,олумуно себепкер болгондор кудайым жазаласын,акмактар

Zainidin96

2018-01-13 21:07:59

Жакындарына сабр

Medinaa

2018-01-13 21:15:24

Жакшынакай жапжаш жигит((

Jumahmatov

2018-01-13 21:59:35

Сокулуктун больницасынын астында бир козу ачык аял отурган экен сынап коройун деп 500 сом чыгарып менин канча уулум бар точносун айтып берсен моогул акчаны берем дагы сурай турган нерсем бар десем макул болуп картасын тияк бияка кылып сенде эки уулун бар экен бироосу больницада экен дейт эй энен мен ешё уйлоно элекмин кайдагы бала деп картасын столуна кошуп тээп жиберип басып кеттим бир эки аялдар карап турушкан болчу алар кулуп эле карап калышты айтаарым козу ачыктарга ишенбегиле

DNurgiza

2018-01-14 10:17:14

Jumahmatov,улуу эле эжени сөгүп, столун тээп кеткениңиз туура эмес болгон экен....

taalay25

2018-01-14 23:01:54

Jumahmatov,козу ачык адам кандай болот, айтып берейинби? Алдына карта, куран, теспе, камчы коюп отургандар козу ачык эмес алар "шатанистер". Козу ачык бул Дуйно таанымы кенен, акылдуу, билимдуу, алысты акылы менен коро билген, анализдей алган адамдар. Ал учун коп эмгек кылып окуп уйронгон адамдар

Jumahmatov

2018-01-13 22:01:33

Жаш жигит экен Аллахым бейишинин бир бурчунан насип эткен болсун жакындарына сабыр тилейм

Povetkin

2018-01-13 23:15:15

Жапжаш бала. озуно приключения издеген Адам туну журот арты кайрылуу болсун...

kilim

2018-01-13 23:33:17

Классташым эле 1 партада отуруп чонойдук эле эми жоксун. Жаткан жерин жайлуу болсун

jbolotov

2018-01-14 00:09:11

Ата энесине сабыр бер Аллахым. Бироонун умут менен чонойткон баласын олтургон келесоо акмактарды Аллах озу жазаласын.

Birimdik5555

2018-01-14 00:23:50

Жаткан жери жайлуу болсун

Goodyer

2018-01-14 05:15:51

Бул дегенинерде бир сыр бар го дейм 4-дек бир адам жоголсо 5-дек ал жерде калган адамдын олугу табылса

aigulu

2018-01-14 06:38:49

Goodyer, 5-декабрда эмес 20-декабрда БЧК дан табылыптыр

Bolotbek1991

2018-01-14 05:33:29

Жаткан жери жайлуу болсун

Комментарий калтыруу үчүн өз ысымыңыз менен кириңиз же каттоодон өтүңүз.