Москвада 12 жаштагы Кыргыз кызга бычак сайып өлтүргөн жигит 16 жылга эркинен ажыратылды

Москвада 12 жаштагы Кыргыз кыздын өлүмүнө шектелип кармалган жигит күнөөсүн моюнуна алып, күчөтүлгөн режимде 16 жылга эркинен ажыратылды.

Чечимди Москванын шаардык соту чыгарганын орусиялык басылмалар жазды.

Маалым болгондой, окуя 2016-жылдын 24-декабрында Орусиянын Москва шаарында орун алган. Анда Мира аттуу Кыргыз аял өзүнүн эки кыз, бир уулу жана бир небереси менен бирге 69 жаштагы пенсионер аялды карап, анын 3 бөлмөлүү үйүндө жашап турушкан. Кийин ал үйгө Миранын 20 жаштагы Жылдыз аттуу кызы 21 жаштагы Чыңгыз деген жигитин киргизип, ал жигит үйдө убактылуу жашап турган.

Бирок 2016-жылдын ноябрь айында кызганычтан улам кыз-жигиттин мамилеси бузулуп, 24-декабрь күнү Чыңгыз кыздын үйүнөн кийимдерин алып кетүүнү көздөгөн. Кийимдери кайда турганын анын 12 жаштагы сиңдисинен сураган. Бирок кыздын "өзүң изде" деген сөзүнө теригип, бычак менен анын бетине сайып жиберген. Ал учурда үйдө 12 жаштагы кыз менен 69 жаштагы пенсионер аял гана болгон.

Андан кийин ал Бишкекке учуп кетүү үчүн аэропортко келгенде полиция кызматкерлери тарабынан кыздын өлүмүнө шектүү катары кармалып, камакка алынган. Полиция кызматкерлеринин суроолоруна жооп берип жатып кылмыш кылганын моюнуна алган жана кыздын жакындарынан кечирим сураган. Бирок кыздын жакындары аны кечирүүдөн баш тартып, соттон өмүр бою эркинен ажыратууну суранышкан. Шаардык сот кылмышкерди 16 жылга күчөтүлгөн режимде эркинен ажыратып, кыздын жакындарына 1 миллион рубль жана уурдап кеткен телефонун төлөп берүүнү милдеттендирген.

Москвада 12 жаштагы Кыргыз кызды өлтүргөн жигит 16 жылга кесилди

Автор: Жамалидин Парманкулов

11:22 17-01-2018

Жазылуу

РУБРИКАДАГЫ СОҢКУ КАБАРЛАР

19:33 2025-06-19 | Коом жана турмуш

Азыктар жерге чачылып... Ош-Бишкек жолунда жүк ташуучу унаа кырсыктады (видео) 315 0

18:51 2025-06-19 | Коом жана турмуш

"Билген эмесмин". Блогер Арген Асанов онлайн казинолорду жарнамалаган үчүн кечирим сурады (видео) 1099 0

18:33 2025-06-19 | Коом жана турмуш

Айбек Жунушалиев Жер-Ынтымагы конушунун тургундары менен жолукту 227 0

18:09 2025-06-19 | Бизнес-Инфо

Бакай Иншуренс — Bakai Bankтын камсыздандыруу компаниясы 171 0

18:00 2025-06-19 | Кылмыштар, кырсыктар

Баңгизаттарды мыйзамсыз жүгүртүү менен алектенген кылмыштуу топ кармалды 386 0

17:39 2025-06-19 | Коом жана турмуш

Коноктор кетип калып... Чегирткелер үлпөт тойду бузушту 1346 0

Архив

Комментарийлер (7)

Begimkyz

2018-01-17 11:28:29

Башкача болгон деп уктум эле го бул окуяны.

Nuraruu5

2018-01-17 13:53:28

Begimkyz,кандай болгон экен эле

Dalil

2018-01-17 11:34:33

Жаткан жери жайлуу болсун. Орустарды туурап кайдагы зынаага түрткөн гражданский брактын кесепети он гүлүнүн бир гүлү ачыла элек кыздын өмүрүн кыйды.

+16

ziash85

2018-01-17 12:07:13

Байкуш кыз ай.

Aydarov.0607

2018-01-17 12:12:05

Туура чечим.

Azatbek83

2018-01-17 14:44:45

Айбан омур бойу камашса болмок!!!

Ayida

2018-01-17 15:00:31

Апасында куноо.Эмнеге киргизет жигитин без нике журуп кызы деле ават эмесго. Апасын дагы соттогула кызына карабаган.Уйлоп койбойбу кызына жакшы тарбия бербептир эне.Эмитен куч куйоо кылып киргизип аягы бей куноо наристеге тийди

+11

Комментарий калтыруу үчүн өз ысымыңыз менен кириңиз же каттоодон өтүңүз.