Атактуулардын "Алтын глобус" сыйлык тапшыруу аземине кийген кара түстөгү кийимдери аукционго коюлат

Быйыл "Алтын глобус" сыйлык тапшыруу аземи "кара көйнөкчөндөр" флешмобуна айланганы маалым. Тактап айтканда, зордук-зомбулуктарга каршы экенин билдиргиси келген атактуулар дал ушул түстөгү кийимдерди кийип келишкен. Эми ошол атактуулардын кызыл килемден кийип өткөн кече көйнөктөрү менен смокингдер аукционго коюлат. Бул тууралуу чет элдик басылмалар жазып чыгышты.

Маалым болгондой, жалпысынан 34 кара түстөгү кийим сатыкка коюлат. Алар Мишель Уильямс, Алисия Викендер, Мерил Стрип, Риз Уизерспун жана башка белгилүүлөрдүн кийимдери.

Аукцион бүгүн, 19-январда башталып, толук бир жумага созулат. Андан түшкөн каражаттын баары Голливуддагы зордук-зомбулукка каршы түзүлгөн Time’s Up фондуна которулат.

Автор: Наргиза Талантбекова