Казакстанда күйүп кеткен автобустун ичинде калып каза болгон 52 адамдын өлүмү боюнча атайын өкмөттүк комиссия түзүлдү

Казакстанда күйүп кеткен автобустун ичинде калып каза болгон 52 адамдын өлүмү боюнча иликтөө жүргүзүлөт. Бул тууралуу казак басылмалары жазып чыгышты.

Бүгүн, 19-январда өрттүн себебин иликтөө үчүн Ташкентте атайын өкмөттүк комиссия түзүлүп, алар Ак-Төбө облусуна учуп барышты. Ведомство аралык комиссияны Өзбекстан Республикасынын премьер-министри Абдулла Арипов көзөмөлдөйт.

Маалым болгондой, Өзбекстандын Казакстандагы элчилигинин Ак-Төбөдөгү өкүлү каза болгон жарандардын сөөгү бүгүн, 19-январда соттук-медициналык экспертизага жөнөтүлөрүн билдирген.

Ошондой эле Өзбекстандын Алматыдагы элчилигинин кызматкерлери кырсыктан жабыркагандарга жана каза болгон жарандардын үй-бүлөлөрүнө ар тараптуу жардам көрсөтүү үчүн Ак-Төбө облусуна барышты.

Учурда каза болгондордун Орусияга чыгуу максаты жана кырсыктын так себептери иликтенүүдө. Алдын ала айтылган маалыматтар боюнча, каза болгон жана жабыркагандардын арасында балдар менен аялдар жок.

Эскерте кетсек, кечээ, 18-январь күнү Казакстандын Ак-Төбө облусунда Самара-Ташкент багыты боюнча каттамдагы Икарус үлгүсүндөгү автобус күйүп кетип, 52 адам көз жумган. Анын ичинде 55 жүргүнчү жана 2 айдоочу болгон. 5 жүргүнчү сыртка чыгып кетүүгө үлгүрүп, калганы чыга албай күйүп кетишкен. Алдын ала маалыматка караганда, автобустун ичинде каза болгондордун баары Өзбекстандын жарандары экени айтылууда.

Автор: Максат Орозумбетов

11:38 19-01-2018

Жазылуу

РУБРИКАДАГЫ СОҢКУ КАБАРЛАР

18:00 2025-06-19 | Кылмыштар, кырсыктар

Баңгизаттарды мыйзамсыз жүгүртүү менен алектенген кылмыштуу топ кармалды 29 0

17:39 2025-06-19 | Коом жана турмуш

Коноктор кетип калып... Чегирткелер үлпөт тойду бузушту 296 0

17:32 2025-06-19 | Түркүн дүйнө

Путин менен Мирзиёев миграция маселесин бирге чечүүнү макулдашышты 234 0

17:00 2025-06-19 | Түркүн дүйнө

Буйрук бере элек... Трамп АКШнын Иранга сокку уруу планын жактырганы айтылды 736 0

16:53 2025-06-19 | Коом жана турмуш

Эрмат Жумаев Таластагы медициналык кадрлардын жетишсиздигин чечүү жолдорун талкуулады 175 0

16:35 2025-06-19 | Түркүн дүйнө

АКШ элинин 45 пайызы өз өлкөсүнүн Иранга сокку урушуна каршы 627 0

Архив

Комментарийлер (10)

33SUUN

2018-01-19 11:52:55

Журок оорута турган окуя болду.Жакындарына сабыр тилеймин.Жакшылап текшеруу жургузуш керек.Эмне учун айдоочулар гана аман калып калганы баары каза болду?Автобустун терезеси эмне брондолгон бекен.52синин бироосу дагы терезени сындыра алышпадыбы?....

Dalil

2018-01-19 12:13:07

Кененирек маалымат берсеңер супер инфо. Түшүнүксүз кантип эле деген суроо туулат.

Krai

2018-01-19 12:36:22

Dalil,туура айтат жалан эркек кишилер болсо кантип эле терезелерин сындыра алышпады экен байкуштар ушунусу менен 2- жолу озбекстандын автобусу авария болуп атат 2 жолу тен айдоочусу баурлардан болчу

Baku88

2018-01-20 02:24:57

Dalil, кызык элесинер эмне супер инфо эмне болуу өрттөнүп кеткенин жана күйүп жатканын жанында карап туруптурбу

aerforce

2018-01-19 12:42:39

бирок тан калычтуу кантип терезелерди сындырып чыкпады экен?

Arstan

2018-01-19 13:24:14

Терезесин сындыра алышпаса демек күйгөнгө чейин эле түтүнгө ууланып калышкан окшойт деген ой келип атат.Жаман иш болуптур.

nargiz94

2018-01-19 14:56:41

Айдоочулары аман калган деп кайсы жерде жазылып турат. 5 адам чыгып кетиптир деп турат, арасында айдоочу барбы жокбу айтылган жок

33SUUN

2018-01-19 22:22:08

nargiz94,Бул жерде маалымат толук жазылбаптыр.Башка ММКларда уч айдоочу(казак жарандары) эки жургунчу (озбек жарандары)аман калган деп жазылып турат.Эмнегедир жургунчулордун баардыгы эркек кишилер болгон.Арасында бир дагы аял киши же бир дагы жаш бала болгон эмес.Кумон жараткан ойлор коп жаралууда.

MoltirJan

2018-01-19 15:37:27

Байкуштар тутунго ууланып калышкан го,болбосо терезени талкалап чыгып кетишмек.Мага да биринчи ушундай ой келди.Жакындарына туугандарына сабыр конул айтабыз.Мындай кырсыктан кудай сактасын.

RaHat19

2018-01-19 19:59:55

жашоодо эмнелер кана болбойт .Канчалаган балдар атасыз калды,канча ата эне баласыз,канчалар тугойсуз калышты калгандардын уй булоосуно терен кайгыруу менен конул айтам.

Комментарий калтыруу үчүн өз ысымыңыз менен кириңиз же каттоодон өтүңүз.