Бишкектеги "Гараж-312" түнкү клубунан баңгизат алып жүргөн деген шек менен бир нече адам кармалды

Бишкектеги "Гараж 312" түнкү клубуна атайын операция жүргүзүлгөнүн SUPER.KG'ге 21-январда ИИМдин маалымат кызматынан тастыкташты. Маалым болгондой, клубдан баңгизат жана башка мыйзамсыз заттар табылып, аны алып жүргөндөр кармалды.

"Гараж 312" түнкү клубуна 21-январда саат 01:00 чамаларында ИИМ тарабынан атайын операция иштери жүргүзүлдү. Ыкчам-иликтөө иштери уланып жатат. Анын жыйынтыгы менен маалыматтар толукталат", - дешти ИИМден.

Буга чейин аталган клубда ИИМдин атайын багыттагы кызматкерлери тарабынан операция жүргүзүлүп, алар 50дөй кишини баңгизат алып жүрүүгө шектүү катары кармап кетишкени интернетке тараган. Окуя боюнча аталган клубдун администрациясы тарабынан комментарий бериле элек.

Автор: Жамалидин Парманкулов