Ооганстанда үйлөнүү той өтүп жаткан мейманканадагы кол салуудан 19 адам мерт кетти

Ооганстандын Кабул шаарында "Интерконтинентал" мейманканасындагы кол салуудан кеминде 19 киши, анын ичинде Казакстан менен Украинанын жарандары мерт болду. Бул тууралуу өлкөнүн ИИМине таянып чет өлкөлүк басылмалар жазып чыгышты.

Маалыматтарга ылайык, Казакстандын 39 жаштагы жаранынын каза болгондугу тууралуу өлкөнүн Тышкы иштер министрлигинин басма сөз кызматы билдирди. Кабул полициясынын маалыматына караганда, андан тышкары Украинанын тогуз жаранынын мерт болгону аныкталды. Алардын көбү Kam Air ооган авиакомпаниясынын кызматкерлери болушкан.

Кыргыз Республикасынын Тышкы иштер министрлиги аталган мейманканада 7 Кыргыз жараны иштегенин, бирок кол салуудан эч кимиси каза болбогонун маалымдады.

Жаңы маалыматтык технологиялар боюнча эл аралык жыйын жана үйлөнүү той өтүп жаткан мейманканага кол салууну "Талибан" кыймылы өзү уюштурганын жарыялады. Кыймылдын беш жоочусу имаратка ашкана аркылуу кирип, андагы адамдарды көздөй ок чыгарышкан.

Жекшемби күнү эртең менен аяктаган атайын операциянын жыйынтыгында 150дөн ашык киши, анын ичинде 40 чет өлкөлүк жаран куткарылган. Ооганстан ИИМи кол салгандардын кеминде үчөөсү өлтүрүлгөнүн билдирди.

"Интерконтинентал" – Кабулдагы чет өлкөлүктөр көп токтогон мейманканалардын бири. Ал 1969-жылдан бери иштеп келет жана мамлекеттин көзөмөлүндөгү тоолуу жерде жайгашкан. 2011-январда мейманканага "Талибан" кыймылынын жоочулары кол салган. Анда жалпысынан 21 киши өлүп, арасында кол салган согушкерлер да болгон.

Автор: Нургазы Аматов

08:31 22-01-2018

Жазылуу

РУБРИКАДАГЫ СОҢКУ КАБАРЛАР

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 211 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 391 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 232 0

20:06 2025-06-19 | Саясат

Рамиз Алиев "Мадина" базарына эмнеге барды? 619 0

19:33 2025-06-19 | Коом жана турмуш

Азыктар жерге чачылып... Ош–Бишкек жолунда жүк ташуучу унаа кырсыктады (видео) 1294 0

18:51 2025-06-19 | Коом жана турмуш

"Билген эмесмин". Блогер Арген Асанов онлайн казинолорду жарнамалаганы үчүн кечирим сурады (видео) 2045 0

Архив

Комментарийлер (6)

aitowa11

2018-01-22 10:02:27

Тынчтык болсун. Ооганстанда да кыргыздар бар экенда иштеген. Кудай озу сактасын кайсыл жерде болсок да.

Akylbek1984

2018-01-22 10:50:08

Заманыбыз тынч эле болсун да. Адамдар каякка карап кетип бара жатат, билбейсин...

Nurik1988

2018-01-22 10:51:07

Дуйно жузуно жайылып кеткен экенбизда!! Кайсы жакка барба кыргыз жарандарыбыз бар Аман болушсун кайерде болсун Кыргызыбыз

Taku.14.02

2018-01-22 12:09:58

Кайда болбосун кыргыздар иштейт дегенди угасын

Taku.14.02

2018-01-22 12:10:32

Кыргыз эли чачылып кеттикго жумуш жоктон

iryi1

2018-01-22 15:13:33

Атын элге жакпаса жерди жардыр дегендей жаны замандын радикалдары – эски жапайчылык идеяны колдогон крысалар. Талибан террордук диний уюм. Булардын максаты азыркы жаны цивилизацияны эски идеялогия, же болбосо террор аркылуу жок кылуу. Тилеке каршы бизде дагы ушундай крысылар бар экенин билишибиз керек. Сыртынан кооз суйлогону менен, тупкусундо жапайчылык жана кулчулук заманды орноткулары келишет.

Комментарий калтыруу үчүн өз ысымыңыз менен кириңиз же каттоодон өтүңүз.