Өлкөнүн түштүгүндө күчү 3 баллга жеткен жер титирөө катталды

Өлкөнүн түштүгүндө күчү 3 баллга жеткен жер титирөө катталды. Бул тууралуу бүгүн, 25-январда Улуттук илимдер академиясынын Сейсмология институтунан билдиришти.

Маалыматка караганда, жер титирөө 24-январдан 25-январга караган түнү саат 02:15 чамасында Алай тоо кыркаларында катталган. Анын очогу Жайылма айылынан 10 чакырым түндүктө, Кашка-Суу айылынан 11 чакырым түндүк-батышта, Кара-Кабак айылынан 14 чакырым түндүк-батышта, Кичик-Алай айылынан 33 чакырым түштүк-батышта жайгашкан.

Калк жашаган аймактарда жер титирөөнүн күчү 2,5 баллга чейин жеткен.

Алдын ала маалымат боюнча жабыркагандар жана кыйроолор жок.

Автор: Бекжан Рыскулов