ӨКМ: "Бишкекте Ала-Арча дарыясына муз тоңуп, нугунан чыгып кетүү коркунучу жаралды"

Бишкек шаарынын Биринчи Май району аркылуу өткөн Ала-Арча дарыясында муз тоңуп, нугунан чыгып кетүү коркунучу жаралды. Бул тууралуу бүгүн, 28-январда Өзгөчө кырдаалдар министрлигинин басма сөз кызматынан билдиришти.

"Бүгүн, 28-январда болжол менен саат 10:40 чамасында Малдыбаев жана Ахунбаев көчөлөрүнүн кесилиши ченде Ала-Арча дарыясында муз тоңуп, муз катмары пайда болгондуктан нугунан чыгып кетүү коркунучу пайда болгон. Аталган жерге маселени жоюу үчүн 19 адам, 5 техника тартылды", - деп билдиришти басма сөз кызматынан.

Ошондой эле учурда ал жерде ӨКМнын кызматкерлери кызуу иш жүргүзүп, коркунуч жоюулары менен кошумча маалымат бериле турганын билдиришти.

Автор: Кенжебай Сатканалиев