АКШда модель кыздын башы жок, жиликтенген жансыз денеси табылды

АКШда модель кыздын башы жок, жиликтенген жансыз денеси табылды. Бул тууралуу чет элдик басылмалар жазып чыгышты.

Маалыматка караганда, окуя АКШнын Орегон штатындагы Алоха шаарында болгон. Кылмышкер 27-январда кара түстөгү БМВ үлгүсүндөгү унаасына Сара Жгоул аттуу модель кыздын башы жок, жиликтенген жансыз денесин эки чемоданга салып бараткан жеринен кармалган.

Кылмышкерди кармоо учурунда ал өзүн-өзү өлтүрүүгө аракет кылган. Азырынча анын аты-жөнү жана кылмыштын мотиви айтыла элек.

Сара Жгоул модель болуудан тышкары, актриса жана фильмдерге үн кошточу. 28 жаштагы моделдин артында кичинекей баласы калды.

Автор: Бекжан Рыскулов