Прокурор соттон Темир Жумакадыров каза болгон жол кырсыгындагы КамАЗдын айдоочусун 11 жылга эркинен ажыратууну сурады

Бүгүн, 30-январда Чүй облусунун Москва райондук сотунда вице-премьер-министр Темир Жумакадыровдун өлүмү боюнча соттук процесс уланды. Анын жүрүшүндө эки тарап жарыш сөзгө чыгышты. Анда прокурор соттон КамАЗдын айдоочусун 11 жылга жатак абакка кесүүнү сурады.

"Тергөөнүн жүрүшүндө КамАЗдын айдоочусу Автандил Таалайбек уулунун күнөөсү далилденген. Ал 2017-жылдын 7-октябрь күнү Чалдыбар-Бишкек жолунда жол эрежесин бузуп, унаасы менен каршы тилкеге чыгып, Тойота Прадону сүзгөн. Кырсыктын кесепетинен үч адам каза болгон. Мындан улам соттолуучуну 11 жылга жатак абакка кесүүнү сурайм", - деди прокурор.

Ал эми жактоочу айдоочу жол кырсыгын атайылап кылбаганын, кырсык болгон соң эч кайда качпаганын айтып, айыпталуучуну камакка албоону өтүндү.

"Айыпталуучу күнөөсүн моюнуна алып жатат. Ал кырсыкты атайылап кылган жок. Кырсык кокустук болуп калды. Соттолуучунун аты-жөнү, жашаган жери аныкталган. Аны камакка албооңузду суранам", - деди жактоочу.

Эскерте кетсек, 2017-жылы 7-октябрь күнү Бишкек-Кара-Балта унаа жолунун Чүй облусунун Сокулук районуна караштуу Садовое айылындагы бөлүгүндө КамАЗ Тойота Прадо унаасын сүзүп, 10-15 метрге чейин сүрүп кеткен. Натыйжада Тойота Прадо унаасынын ичиндеги Темир Жумакадыров, анын жардамчысы жана айдоочусу каза болгон.

Автор: Бекжан Рыскулов

13:39 30-01-2018

Жазылуу

РУБРИКАДАГЫ СОҢКУ КАБАРЛАР

15:55 2025-06-19 | Кылмыштар, кырсыктар

Жалал-Абад шаарындагы базардан чыккан өрт чектөөгө алынды 45 0

15:41 2025-06-19 | Түркүн дүйнө

SpaceX компаниясынын Starship ракетасы сыноо учушуна чейин жарылып кетти 209 0

15:35 2025-06-19 | Түркүн дүйнө

Бразилияда ягуар менен аллигатордун укмуштуудай кармашы видеого тартылып калган (видео) 317 0

15:07 2025-06-19 | Саясат

Бишкек менен Чүйдө электр жарыгы эмнеге жапырт өчкөнү айтылды 344 0

14:59 2025-06-19 | Коом жана турмуш

Кыргызстан менен Корея ортосунда 46 миллион доллардык инвестициялык меморандумга кол коюлду 174 0

14:58 2025-06-19 | Коом жана турмуш

Жеке менчикке мыйзамсыз чыгарылган жер тилкеси мамлекетке кайтарылды 198 0

Архив

Комментарийлер (8)

_adil_

2018-01-30 13:56:05

Чындап атайлап кылган жокта мас болсо биржон. Анчалы коп жылга кесиуунун кажети жокдеп ойлойм. Алда бир уйбулоону баккан балакен.Условно кесилседеле болотта.

Kojo1995

2018-01-30 22:07:27

Камаздын айдоочусунда күнөөсү жок болуш керек.
Европа, Америка болсо джиптин айдоочусун кесип жибермек 11 жылга. Алардын өлгөн адамдары деле кесилип же акча таба беришетко.

kechirmeni

2018-01-30 14:19:51

Тан ай... байкуш айдоочуну эптеп эле мойнуна алдырып койдубу дейм да коркутуп уркутуп. Окуяны ким коруптур, камерага тушуп далилденсе бир жон эле. Прицеби менен жук алып бараткан камаз обгонго чыкканына ишенбей турам

NURSAPAR

2018-01-30 14:50:18

Ачыкка кессе туура го. Кокустук да атайын жасалган эмес

ilim07

2018-01-30 17:49:27

Эми кичине кечиримдуу болуш керек мас эмес соо болсо тугандары кечирип коюш керек андан коро жаткан жери жаннаттан болсун деп дуба кылышсын. Дагы бир уй булону кемтик кылбай койберип койушсун

meku89

2018-01-30 19:08:57

Байкуш жаш баланын тагдырын талкалабай актап койсо болот да, атайын кылбагандан кийин. Ал да уй було кутуп жашаш керек да. Чыныгы кылмышкерге ушундай срокту аран беришет. А карапайым элге каалаганча беришет го куйгузуп.

Dordoilep20

2018-01-30 19:17:46

Байкуш айдоочу карапайым!Бул кырсык.Кырсыктан Аллаадан башка эч ким арачылай албайт.Ал баарынын башында бар.Министрдин жайы жаннаттан болсун.Бирок туура эмес деп эсептейм, айдоочуну камаса ал да корундо тынч жаталбайт.25 жаштагы жаш баланы камабай соттор ойлонуп иш кылгыла!Эгерде камазисттин ордунда оз уулунар болгондо кандай болот эле ойлонгула!Кудайдан корксонор боло!

Taalaibek.

2018-01-31 22:10:16

Бир кун дагы камалууга тийиш эмес. Эсинер барда этегинерди тыйгыла. Камаз айдаган балада куноо жок!

Комментарий калтыруу үчүн өз ысымыңыз менен кириңиз же каттоодон өтүңүз.