Өзбекстанда сойкуканага келгендер 52 жаштагы аялды сабап салышкан. Ал алган жаракаттарынан улам көз жумду

Сүрөттө сабалган 52 жаштагы Тургуной Олтинова. Өзбекстандын Наманган шаардык ооруканасында 52 жаштагы жергиликтүү аял каза болду. Бир жума мурда ал коңшу жайгашкан сойкуканага келген адамдарды кууп, милиция чакырууга аракет кылган маалда катуу сабалган. Укук коргоо органдары тарабынан аялды сабаган адамдар кармалып, учурда тергөө иштери жүрүп жатканы жазылат чет элдик маалымат булактарында.

Каза болгон аялдын коңшуларынын бири аны коңшу батирдеги сойкуканага келген адамдар сабаганын көргөндүгүн билдирген.

"Биздин үйдө сойкукана бар. Тургуной Олтинованы 23-январда кечки саат он жарымдарда ошол батирге келген белгисиз адамдар сабап кетишти. Биз анын кыйкырганын угуп сыртка чыкканда кол салган адамдар качып кетишти. Алардын бири беткапчан болчу. Канжалап жаткан Тургуной апаны ооруканага жеткирдик. Бир жумадан кийин, 30-январда ал каза болуп калды", – деген маркумдун коңшусу.

Наманган шаардык ички иштер башкармалыгынан кылмыш иши козголгон. Бирок милиция тараптан сойкукананы жабуу боюнча эч кандай чара көрүлбөгөнүнө маркумдун коңшулары нааразы болуп жатышканы жазылат маалыматта.

"Биздин үйдө балалуу үй-бүлөлөр жашайт. Ага карабастан сойкукана ачышты. Күн сайын жарым жылаңач кыздар эркектерди тосуп алышат. Тургуной апа бул үйдө кичинекей балдар дагы жашай турганын айтып, алар менен дайыма урушуп келген. Акыры аны катуу жазалашты. Эмнеге милиция унчукпайт? Бизди ушул таң калтырып жатат", – деген маркум Олтинованын коңшуларынын бири.

Автор: Кызжибек Раимова

09:52 01-02-2018

Жазылуу

РУБРИКАДАГЫ СОҢКУ КАБАРЛАР

14:03 2025-06-19 | Түркүн дүйнө

АКШда каза болгон кош бойлуу аялдын баласы кесарево жолу менен жарыкка келди 17 0

14:02 2025-06-19 | Коом жана турмуш

Кутр-кумурскаларга каршы химимялык заттарды колдонууга тыюу салынды 12 0

14:00 2025-06-19 | Коом жана турмуш

Кыргызстанда алгачкы жергиликтүү дарбыздар сатыкка чыкты 36 0

14:00 2025-06-19 | Коом жана турмуш

Шашылыш билдирүү! Тоолуу аймактарда сел жүрөт 32 0

13:59 2025-06-19 | Түркүн дүйнө

Актёр Павел Прилучныйдын кайнатасына эл аралык издөө жарыяланды 45 0

13:45 2025-06-19 | Коом жана турмуш

"Даамдуу" тез татымынан шаурма жеген 12 киши ууланды 102 0

Архив

Комментарийлер (7)

tursunbaev78

2018-02-01 11:13:03

Супер Душанбени Дүйшөмбү деп которосуңар,анан Тургуной Олтинова деп өзбекче жазасыңар,кандай түшүнсө болот силерди

Baku88

2018-02-01 11:36:29

tursunbaev78, сен да Жолдошбаевден кем калышпаган адам экенсиң го

tatynam_88

2018-02-01 13:31:40

tursunbaev78,тургунай Алтынова деп жазса ...элестет.саал..

taalay25

2018-02-01 17:12:35

tursunbaev78, документте кандай болсо ошондой айтылат. Элестет эртен Озбекстанга барсан сени Турсунбоев деп жазбайт да миргациялык баракча толтурганда

AKCAHAT

2018-02-01 20:09:20

tursunbaev78,э Турсунбоев ойлонсон бир аз)))

nurikkg1

2018-02-02 05:39:03

tursunbaev78, Душанбе таджик тилининен Дуйшомбу Кыргыз тили урматтуу Бир тууган

Nurbollot

2018-02-01 11:23:16

Паспорттогу аты жазылат да

Комментарий калтыруу үчүн өз ысымыңыз менен кириңиз же каттоодон өтүңүз.