Салянованын соту иш убактысы бүткөнүнө карабай уланууда

Бүгүн, 6-февралда Бишкек шаардык сотунда иш убактысы бүткөнүнө карабай "Ата Мекен" фракциясынан депутат Аида Салянованын иши боюнча сот уланып, анын коомдук жактоочусу Рабига Сыдыкованын жарыш сөзү жүрүүдө.

Коомдук жактоочу буга чейин 12 томдон турган иш материалдардын 11 тому боюнча сүйлөп бүтүп, учурда акыркы томдогу тиркелген материалдарга токтолууда. Бирок Сыдыкова акыркы 5 томдогу материалдар менен таанышып чыккан эмес. Себеби түшкү тыныгууга чейин Сыдыкова таанышып чыгуу үчүн соттон убакыт берүү өтүнүчүн келтирген. Бирок соттук жамааттын төрайымы Ирина Воронцова өтүнүчтү канааттандыруусуз калтырган.

Кечээ, 5-февралдагы отурумда жактоочу Чынара Жакупбекова шаардык соттон райондук соттун чечимин жокко чыгарып, Салянованы актоо өтүнүчүн келтирген. Ал эми мамлекеттик айыптоочулар райондук соттун чечимин жокко чыгарып, депутатты 8 жылга эркинен ажыратуу менен мүлкүн мамлекеттин эсебине алууну суранышкан. Мамлекеттик айыптоочулардын айтымында, райондук соттун чечими жумшак чечим болуп калган. Прокурор сот өкүмү анын 2 жаштагы наристеси 14 жашка толгонун күтпөстөн дароо күчүнө кириши керектигин белгилеген.

Эскерте кетсек, Салянова "Юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталып, 2017-жылдын 10-октябрында Ленин райондук соту тарабынан күчөтүлгөн тартипте 5 жылга эркинен ажыратылган. Сот өкүмү анын 2 жаштагы наристеси 14 жашка толгондо күчүнө кирет. Бул чечимге нааразы болгон Салянова шаардык сотко даттанган. Андан кийин Башкы прокуратура да арыз берген.

Автор: Жамалидин Парманкулов

19:13 06-02-2018

Жазылуу

РУБРИКАДАГЫ СОҢКУ КАБАРЛАР

11:53 2025-06-19 | Түркүн дүйнө

Иран Израилге жаңы ракеталык сокку урду (видео) 206 0

11:46 2025-06-19 | Саясат

Дастан Бекешев унааларды эвакуация кылууну токтотууну талап кылды 89 0

11:39 2025-06-19 | Спорт

Кум үстүндөгү күрөш боюнча өлкө чемпиондугу өтөт 56 0

11:35 2025-06-19 | Саясат

Парламент спикери ИИМди бир жактуу айыптоолордон карманууга чакырды (видео) 137 0

11:19 2025-06-19 | Спорт

Футзал боюнча улуттук курама Францияны жеңди 221 0

11:11 2025-06-19 | Кылмыштар, кырсыктар

22 жаштагы кызды жарандык никедеги күйөөсү муунтуп койгон 758 0

Архив

Комментарийлер (2)

fayina

2018-02-07 07:24:02

Рахмат Отунбаевага козунорго сайып айтып коюптурго Салянованын куноосу жок деп дагы эмне керек? Аллах жардам берсе экен. Адамдын жашоосу эле эмне оюнчукбу силерге?

Kanubek87

2018-02-07 09:23:47

Акчанын кучу э адашпасам бир жылдан бери чозушабы акчасы жок Адам болгондо 2саатта кууносу жок болсода куноону мойнуга илип отургузуп койот эле тообаа сотторго инсап ыйман берсинда

Комментарий калтыруу үчүн өз ысымыңыз менен кириңиз же каттоодон өтүңүз.