Валентина Шевченко UFC'деги жаңы салмак категориясына өткөн соң, ал жакта дароо эле 1-орунду ээледи

Валентина Шевченко UFC'нин жаңыланган рейтингинде жаңы салмак категорияда биринчи орунга көтөрүлдү. Бул тууралуу мелдештин расмий сайты жарыялады.

Маалыматка караганда, Валентина Шевченко Бразилиянын Белем шаарында өткөн мелдеште Присцилла Качоейраны жеңип алган соң дароо эле 57 килограмм салмак ченинде 1-орунга көтөрүлдү.

Аталган рейтингде 2-орунда америкалык Сижара Юбенкс, 3-орунда америкалык Лорен Мерфи, 4-орунда америкалык Алексис Девис жана 5-орунда америкалык Роксанн Модаффри жайгашты. Ал эми бул салмак категориянын чемпиондук курун америкалык Никко Монтано багындырган.

Айта кетсек, бул рейтинг 3-февралда Бразилиянын Белем шаарында өткөн UFC Fight Night 125 мелдешинин жыйынтыгында жаңыланган. Бул мелдеште Кыргыздан чыккан Валентина Шевченко катышкан. Ал бразилиялык Присцила Качоейра менен кез келип, муунтуу ыкмасы менен жеңип алган.

Эске салсак, Валентина Шевченко буга чейин 61 килограмм салмак ченинде 1-орунду ээлеп келген. Шевченко салмак категориясын алмаштырган соң анын ордун Холли Холм ээледи.