Кыргыз улуттук курама командасынын футболчусу германиялык клуб менен келишимин узартты

Футбол боюнча Кыргыз улуттук курама командасынын коргоочусу Виктор Майер Германиянын регионалдык лигасында ойногон “Виденбрюк” командасы менен келишимин узартты. Жаңы келишим 2021-жылдын 30-июнуна чейин түзүлдү. Бул тууралуу Кыргыз Республикасынын Футбол федерациясынан билдиришти.

Маалым болгондой, быйылкы сезондо Майер “Виденбрюктун” катарында 17 оюн өткөрүп, 7 гол киргизген жана 5 жолу голдук топ ашырып берген.

“Виденбрюк” учурда 19 оюндан кийин 31 упай топтоп, сап башындагы “Виктория Кёльн” менен “Юрдинген 05тен” 8 упай артта баратат.

Автор: Бактыяр Кыдыралиев