Бишкекте жолду тазалап жаткан "Тазалыктын" кызматкерин унаа сүзүп, ооруканага жетпей каза болду

Каза болгон кызматкердин кырсыктан бир жарым саат мурун тартылган сүрөтү

Бишкек шаарында жолду тазалап иштеп жаткан "Тазалыктын" кызматкерин унаа сүзүп, ооруканага жетпей каза болду. Бул тууралуу бүгүн, 12-февралда SUPER.KG порталына Жол кыймылын көзөмөлдөө башкы башкармалыгынын басма сөз кызматынан билдиришти.

Алардын айтуусуна караганда, жол кырсыгы бүгүн эртең менен саат 7:30 чамасында болгон.

"Байтик баатыр жана Түштүк магистраль көчөлөрүнүн кесилишинде иштеп жаткан "Тазалык" ишканасынын 60 жаштагы кызматкерин Түштүк магистраль көчөсү менен батыштан чыгышты көздөй бара жаткан Honda Elysion үлгүсүндөгү жеңил унаа сүзүп кеткен. Натыйжада оор жаракат алган "Тазалык" ишканасынын кызматкери ооруканага жетпей каза болгон. Учурда бул факты боюнча иликтөө иштери жүрүп жатат. Айдоочунун унаасы айып аянтчасына коюлуп, өзү наркологиялык текшерүүдөн өттү. Натыйжада анын жол кырсыгы болгон учурда мас абалында эмес экени аныкталды", - деп билдиришти басма сөз кызматынан.

Ал эми "Тазалык" ишканасынан алардын 60 жаштагы кызматкери жол эрежесин бузган аракеттерди жасабагандыгын жана бардык талаптарды сактап, өз милдетин аткарып жаткан учурда аны унаа сүзүп кеткенин айтышты.

"Биздин кызматкер алыстан чагылышып көрүнө турган атайын кызматтык формасы менен иштеп жаткан. Ал бардык талаптарды сактап жол эрежесин бузган эмес", - деп аталган ишканадан кабарлашты.

Автор: Кенжебай Сатканалиев
Фото: "Тазалык" ишканасы

11:29 12-02-2018

Жазылуу

РУБРИКАДАГЫ СОҢКУ КАБАРЛАР

11:53 2025-06-19 | Түркүн дүйнө

Иран Израилге жаңы ракеталык сокку урду (видео) 206 0

11:46 2025-06-19 | Саясат

Дастан Бекешев унааларды эвакуация кылууну токтотууну талап кылды 89 0

11:39 2025-06-19 | Спорт

Кум үстүндөгү күрөш боюнча өлкө чемпиондугу өтөт 56 0

11:35 2025-06-19 | Саясат

Парламент спикери ИИМди бир жактуу айыптоолордон карманууга чакырды (видео) 137 0

11:19 2025-06-19 | Спорт

Футзал боюнча улуттук курама Францияны жеңди 221 0

11:11 2025-06-19 | Кылмыштар, кырсыктар

22 жаштагы кызды жарандык никедеги күйөөсү муунтуп койгон 758 0

Архив

Комментарийлер (4)

Bek_L

2018-02-12 11:35:10

Акырети абат болсун.

Janylai2012

2018-02-12 12:13:10

Ии байкуш ай карыганына карабай кундун суугунда акча табам деп жургон экен да.кырсык да.жаткан жери жайлуу болсун.ал эми айдоочуга да женилдик тилейм .атайылабаса керек.мас эмес турбайбы

luuntik

2018-02-12 12:47:28

айдоочуну камаш кере, бир адамдын омуру кыйылып атса актап же болбосо женил чара колдонбой

abon

2018-02-12 20:18:15

айдоочулар шаар ичинде неге мынчалык тез айдашат экен тушунбойм. кееде даже пешеходныйдан откону чочуйсун, зебраны басып эле туруп алышыт линиядан чыгып. а каза болгон адамга келсек Аллахым жаткан жерин нурдуу кылсын. Уй булом тиричилигим деп журуп кетиптир .

Комментарий калтыруу үчүн өз ысымыңыз менен кириңиз же каттоодон өтүңүз.