Ала-Букалык жарандын Өзбекстандын чек арачыларынын огунан жаракат алганы боюнча кылмыш иши козголду

Ала-Бука районунда Өзбек чек арачылары Кыргыз өлкөсүнүн аймагына кирип келип Асан Үсөнбаевди бутка атып, аны алып кеткен факт боюнча кылмыш иши козголду. Бул тууралуу SUPER.KG'ге Жалал-Абад ОИИБинин маалымат кызматынан 13-февралда кабарлашты.

Маалыматка караганда, кылмыш иши Кылмыш-жаза кодексинин "мамлекеттик чек араны мыйзамсыз кесип өтүү", "адам уурдоо" жана "адам өмүрүнө кол салуу" беренелери боюнча козголду. Учурда иликтөө иштери жүрүп жатат.

Белгилей кетсек, 27-январь күнү Өзбекстандын чек арачылары Ала-Бука районундагы Ажек калктуу конушунун тургуну, 1979-жылы туулган Асан Үсөнбаевди бутка атып, Өзбекстандын аймагына алып кирип кетишкен. Өзбек тарап ал жаран чек арага мыйзамсыз киргенин жана чек арачылардын буйругуна баш ийбей качып жөнөгөндүктөн ок чыгарганын билдиришкен.

Ал эми Үсөнбаевдин өзүнүн айтымында, Өзбекстан чек арасынын эки аскери себепсиз Кыргыз жерине өтүп келип, ага карата ок чыгарган. Натыйжада ал сол жамбашынан жаракат алган. Андан кийин чек арачылар аны өздөрүнүн аймагына сүйрөп кетишип, Наманган облусундагы ооруканага жеткиришкен.

31-январда туугандарынын аракети менен Үсөнбаев Кыргыз жерине алынып келген. Дарыгерлердин айтымында, Үсөнбаевдин сол жамбашын ок жанчып кеткендиктен, аны алдыда 3 жолку операция күтөт жана саламаттыгы толук калыбына келүүгө бир топ жыл керектелет.

Автор: Жамалидин Парманкулов

01:34 14-02-2018

Жазылуу

РУБРИКАДАГЫ СОҢКУ КАБАРЛАР

10:00 2025-06-19 | Бизнес-Инфо

"Ring My Balance": Абу-Дабидеги Энрике Иглесиастын концертине жолдомону кантип утуп алса болот 18 0

09:57 2025-06-19 | Коом жана турмуш

Мамлекеттик гимндин жаңы редакциясын тандоо боюнча комиссиянын жыйыны өттү 30 0

09:44 2025-06-19 | Түркүн дүйнө

АКШда чет өлкөлүк студенттерге виза берүү кайра жанданды 82 0

09:31 2025-06-19 | Түркүн дүйнө

"Сен муну кийин кыла аласың". Трамп Путиндин сунушунан баш тартканын айтты 499 0

09:10 2025-06-19 | Түркүн дүйнө

Эрдоган: "Израилдин өкмөт башчысы Нетаньяху Гитлерден эчак эле ашып түшкөн" 696 0

08:54 2025-06-19 | Түркүн дүйнө

"Бул чоң айырма". Трамп мергенчи болуп калганын айтты 476 0

Архив

Комментарийлер (6)

aibars

2018-02-14 01:54:48

Жанын кейитда ушулардын кылыгынан. Биздин чек арачылар не кылып журушту болду экен эгер Озбоктор биз жакка кирип келип жаранга ок чыгарып жатканда. Биздикилер ушунчалык алсызбы?

omke.85

2018-02-14 02:04:41

Коркуп ункатпай отурганго суйроп кыйкыртып алып кирип кеткенче эркек бироосу болгондо жанын саймак атуулдук намысы ойгонуп

aibars

2018-02-14 02:11:08

omke.85, Коруп туруп унчукпай туруп беришсе Аман эле болушсун,
Экоосун тен атып биз жакка суйроп кетиш керек болчу.

Kyrgyz_myrza

2018-02-14 04:41:25

Кылмышты кимдерге козгоду ошондо? Неге козгоду? Же Озбек аскерлерине кылмыш козголдубу? Бул ары жок оперлер эми тиги ок жеген байкуштун жанын койбойт, анан акырында "озу куноолуу" деп камапда коё беришет биздин мелийса соройлор.

evra_kg

2018-02-14 10:02:25

Намыс жок алсыз

al-abu-kinesz

2018-02-14 15:41:16

Ал жактарда биздин чек арачыларыбыз журбойт деле. Байкабай нейтральная зонага жакындасан озбек чек арачылары кармап алат.

Комментарий калтыруу үчүн өз ысымыңыз менен кириңиз же каттоодон өтүңүз.