Лыжанын спринт түрү боюнча олимпиада чемпиону Йоханнес Клабо жөө күлүк Усэйн Болтко 100 метр аралыкка жарышууну сунуштады

Түштүк Кореяда өтүп жаткан Кышкы Олимпиада оюндарында лыжанын спринт түрү боюнча алтын медаль жеңип алган Йоханнес Клабо Жайкы Олимпиада оюндарынын 8 жолку Чемпиону Усэйн Болтко 100 метр аралыкка жарышууну сунуштады.

Буга чейин жөө күлүк Усэйн Болт: "Ким Кышкы Олимпиада оюндарында алтын медаль жеңип, мен жеңген учурда жасаган белгилүү кыймылды жасап сүрөт киргизсе, мен ага бир бөтөлкө шампан белекке берем", - деп айткан эле.

“Мен Усэйндин сунушун көрдүм. Балким, башкача кылаттырбыз. Мен андан бир бөтөлкө шампанды алам, эгер ал Нью-Йорктун борбордук паркында 100 метрге жарышка чыкса. Мен лыжа менен Усэйн болсо чуркайт, ошондо ким жеңет көрөбүз”, - деп билдирген Клабо.

Автор: Бактыяр Кыдыралиев