Кышкы Олимпиада оюндары: Бүгүн скелетон боюнча алгачкы жеңүүчүлөр аныкталат

Бүгүн, 16-февралда Түштүк Кореянын Пйоңчаң шаарында XXIII Кышкы Олимпиада оюндарында спорттун 12 түрү боюнча мелдештер өтөт.

Анда кышкы спорттун 6 түрү боюнча медалдар ойнотула турганы күтүлүүдө.

Тоо лыжа спорту;
Лыжа менен жарышуу;
Фристайл;
Скелетон;
Сноуборд;
Коньки менен чуркоо;

Азыркы тапта жалпы командалык эсепте Германия курама командасы 9 алтын, 2 күмүш жана 4 коло медаль менен алдыда келе жатат. 2-орунду Норвегия курама командасы 6 алтын, 7 күмүш жана 4 коло медаль менен ээлесе, 3-орунда 5 алтын, 5 күмүш жана 2 коло медалдын ээси Голландия курама командасы жайгашууда.