Бийчи Максат Токтоналиев сүйүктүүсүнүн колун сурады

Учурда клиптерден, концерттерден, корпоративдик кечелерден жигиттерден турган "We`ll be" бий тобун көп кезиктиребиз. Кыргыз шоу-бизнесинин дээрлик баарын бийлеткен "Well’be" бий тобунун хореографы Максат Токтоналиев жакында бойдокчулук менен коштошуп, нике шакегин тагынганы турат.

"Романтик эмесмин, бирок оригиналдуу идеяларым менен түгөйүмдүн жүрөгүн багынтып алгам", - деген бийчи SUPER KG порталына махабаты тууралуу айтып берди.

"Менин жан шеригим боло турган кыздын аты Азада. Биз мындан 2 жыл мурда тааныштарым аркылуу таанышып калганбыз. Бир көргөндө эле жактыруу сезимдери ойгонду. Ошондон кийин кыз-жигит болуп сүйлөшүп калдык. Ал менин чөйрөмдөн эмес. Таттуу махабатымдын колун 19-февралда сурадым. Башкалардай болуп сүйүшкөндөр күнүндө сурайын дегем. Бирок «Well’be» бий тобу бир нече иш-чараларга чакыруу алгандыктан бош убактым болбой калды. Буюрса, кыргыздын каада-салты менен той өткөрөбүз", - дейт.

Автор: Бактыгүл Момбекова