Кышкы Олимпиада оюндары: Муз үстүндө бийлөө боюнча орусиялык спортчу дүйнө рекордун жаңылады

Бүгүн, 21-февраль күнү Түштүк Кореянын Пйоңчаң шаарында өтүп жаткан Кышкы Олимпиада оюндарында спорттун 11 түрүнөн мелдештер орун алууда.

"Кёнпхо" муз аренасында өтүп жаткан кыздар арасындагы муз үстүндө бийлөө боюнча мелдеште дүйнө рекорду 2 жолу жаңыланды. Бул рекорддорду орусиялык спортчулар багындырды. Алгач муз үстүнө чыккан Евгения Медведева 81.61 упай топтоп дүйнө рекордун жаңыласа, андан кийин чыккан Алина Загитова 82.92 упайга ээ болуп Медведевадан ашып өттү.

Кыздар кыска программада күч сынашып, өзүнүн алгачкы упайларын топтоодо. Бул мелдеште 30 спортчу өзүнүн бийин көрсөтүштү.

Орусиялык Евгения Медведева Фредрик Шопендин чыгармасына өзүнүн бийин аткарып, 81.61 упайга ээ болду. Ал техника үчүн 43.19 упай жана аткаруу үчүн 38.42 упай алды. Бул көрсөткүч кыска программада дүйнө рекорду болуп саналган.

Бирок Медведевадан кийин муз үстүнө чыккан Алина Загитова анын көрсөткүчүн ашып өттү. Ал техника үчүн 45.30 упай жана аткаруу үчүн 37.62 упай алып, жалпы 82.92 упай менен дүйнө рекордун жаңылады.

Муну менен азыркы тапта кыска программада Алина Загитова 1-орунда, Евгения Медведева 2-орунда, 78.87 упай топтогон канадалык Кэйтлин Осмонд 3-орунда жайгашууда.

23-февралда кыздар эркин программа боюнча күч сынашып, медалдар үчүн күрөшөт.

Орусиялык спортчу муз үстүндө бийлөө боюнча дүйнө рекордун жаңылады

Автор: Нурсултан Нурболот уулу

12:01 21-02-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (6)

aksuu_aduk

2018-02-21 12:30:38

Акыры орусия алтын медалга жетти окшойт

semirbedim

2018-02-21 13:07:53

Алина Загитованын да видеосун жуктоп койгулачы

AIZAD

2018-02-21 12:45:31

Допинг деп дагы тийишпесе экен эми.

TalaCSKA

2018-02-21 13:25:54

Хоккей менен Фигурная катаниядан алтын алсанар жакшы болот эле.лыжа командный спринт свободный стиль ден да шанс бар Спицов менен Большунов силерге кудай куч кубат берсин норвегиялык допинг колдонгон асматиктерди женсенер жакшы болот эле.

bela77

2018-02-21 14:58:11

Алина Заитова Медведеванын рекордун басып отту го, видеосун в студию пожалуйста автор)

Djumahmatov

2018-02-21 21:44:38

Соонун аябай жакшы колдоо болду барекелде ооруба ден соолугун чын болуп ийгиликтерди жаратып журо бер мен суйуп калдым ушул кызды чын журоктон

Комментарий калтыруу үчүн өз ысымыңыз менен кириңиз же каттоодон өтүңүз.