Бишкекте кикбоксинг боюнча кыргыз-түрк жолдоштук беттеши болуп өттү

Кыргызстандык Алексей Федосеев менен Менаф Аталай күч сынашып, жеңиш Федосеевге буйруду

Жеңишке жетишкен Кумар Жалиев сыйлык алууда

Нарколог Жеңишбек Назаралиев (алдыңкы катарда отурган кара кийимчен) беттешке берилүү менен назар салып отурду

Мамлекеттик дене тарбия жана спорт агенттигинин директору Мурат Саралинов иш-чара боюнча сөз сүйлөөдө

Кыргызстандык кикбоксчу Рашит Аманкулов түркиялык Абдулла Жем Акиндин ортосунда да кызуу таймаш болуп, жердешибиз жеңишти алдырып жиберди

Өз күчүнө ишенген Кумар Жалиев каршылашын утту

Мушкер Кумар Жалиевдин каршылашы Метехан Кара болду

Кумар Жалиев беттеш учурунда. Бир нече ийгиликтерди багындырган бул спортчубуз бир топ толуп алыптыр. Анын күйөрмандары оюнда мындай өзгөрүүнү байкабай коюшкан жок.

“Кара кыргыз” атка конгон Ален Офойо Ясин Памайды нокаут менен утту

Мирлан Ибраимов менен Жафер Севиндик күч сынашып, кыргыз спортчусу жеңишке жетишти

Жолдоштук беттеш өтүп жаткан жердин жалпы көрүнүшү

Айымдар арасындагы 2-беттеште кыргызстандык Виктория Бондарева атаандашы Гөзде Жанболаттан жеңилип калды

Белгилүү теле жылдыз Нурзат Токтосунова мелдеште алпаруучулук кылууга да, кыргыз кикбоксчуларына күйөрмандык кылууга да жетишти

Юлия Борисова атаандашын жеңди

1-беттеш айымдар арасында болуп, кыргыз спортчусу Юлия Борисова түркиялык Ясмин Демирбаш менен күч сынашты

Көптөн күткөн алгачкы беттеш башталды

Концерттик программа учурунда тазалоочу эженин чыгып рингди жууганы күлкүлүү көрүндү

Беттеш чакан концерттик программа менен башталды

КРнын Кикбоксинг федерациясынын президенти Александр Воинов: "Бул иш-чаранын максаты - жаштарды спортко тартуу жана биргелешип баңги заты менен күрөшүү"

Беттештин алдында кыргызстандык кикбоксчулар Түркиядан келген спортчуларга ак калпак кийгизишти

Кыргызстандык кикбоксчулар - Ален Офойо менен Кумар Жалиев

Кыргызстандык кикбоксчулар

Түркиядан келген кикбоксчулар

Беттештин ачылышы

11-июнда Бишкектеги Кожомкул атындагы Спорт Ордосунда кикбоксинг боюнча Кыргызстан жана Түркия мамлекеттеринин курама командалары ортосунда “Спорт баңгизатына каршы” аттуу жолдоштук беттеш болуп өттү. КРнын Кикбоксинг федерациясынын президенти Александр Воиновдун айтымында, беттешти Түркия тарап сунуштаган. “Албетте, биз баш тарта алган жокпуз. Бирок биз жеңиле турган болсок да, Түркиянын өкүлдөрүнөн бул жолу күчтүү спортчуларды алып келүүнү сурандык. Себеби бул бизге мындан ары да активдүү даярданууга түрткү болот”,- дейт ал.

Мелдештин салтанаттуу ачылышына Мамлекеттик дене тарбия жана спорт агенттигинин директору Мурат Саралинов, Эл аралык баңгизатка каршы мушкерлер федерациясынын президенти Кайя Музаффер Иличак, Кикбоксинг федерациясынын президенти Александр Воинов жана башкалар катышты. Мелдешке Кыргызстандан Алексей Федосеев, Кумар Жалиев, Рашит Аманкулов, Ален Офойо, Мирлан Ибраимов жана кикбоксчу айымдар Юлия Борисова, Виктория Бондаревалар катышты. Ал эми Түркия тараптан Менаф Аталай, Абдулла Жем Акин, Метехан Кара, Ясин Памай, Жафер Севиндик жана айымдардан Гөзде Жанболат, Ясмин Демирбашты аттуу спортчулар келишти.

Биринчи беттеш айымдар арасында болуп, Ю.Борисова түркиялык Я.Демирбашты эч оордугу жок эле жеңип алды. Ал эми В.Бондарева аракет кылганы менен, түрк кикбоксчу айымы Г.Жанболаттан жеңилип калды. Мырзалар арасындагы беттеште кыргызстандык М.Ибраимов түркиялык Ж.Севиндикти жеңди. Мындан соң “Кара кыргыз” атка конгон А.Офойо 2-раундда түркиялык мушкер Я.Памайды нокаут менен утуп алды. Ал эми К.Жалиев менен М.Каранын беттеши кызуу жүрүп, жеңиш кыргыз мушкерине жылмайды.

Кыргыз спортчусу Р.Аманкулов менен түркиялык Абдулла Жем Акиндин таймашы да өзгөчө кызыгуу жаратты. Себеби алгачкы эки раундда кыргызстандык Р.Аманкулов каршылашына үстөмдүк кылып жатты эле, бирок акыркы чечүүчү 3-раундда мекендешибиз жеңилүү ызасын тартып калды. Кийинки беттеш башынан ак калпагын түшүрбөгөн кыргызстандык мушкер А.Федосеев менен түркиялык мушкер М.Аталайдын ортосунда болуп, жеңишти Федосеев багынтты. Ошентип, 2 өлкө ортосунда кикбоксинг боюнча өткөн достук мелдеши Кыргызстандын пайдасына 5:2 эсебинде аяктады.