Тажикстанда милициядан жашырынуу максатында хиджаб кийип алган эки эркек киши кармалды

Тажикстандын Хатлон облусунда хиджаб кийип алган эки эркек киши колго түшүрүлдү. Бул тууралуу чет элдик басылмалар жазып чыгышты.

Маалыматка караганда, кармалган эки жаранга адамдарды чет өлкөдөгү согушка мажбурлап алып кетип жүргөнү боюнча кылмыш иши козголуп, издөөдө жүрүшкөн. Издөө иштеринин натыйжасында, кылмышка шектүү жарандар аялдар сыяктуу хиджаб кийип жашынып жүргөн жеринен колго түшүрүлгөн. Алар Хатлон облусунун тургундары Акмал Сафаров жана Алишер Нуралиев экени аныкталган. Кармалгандар өздөрүнө козголгон кылмыш ишин моюнуна алып, бири 2015-жылдары тыюу салынган "Салафия" уюмунун мүчөсү болгондугун айтса, экинчиси бир канча адамды Сирияга согушууга жөнөткөнүн моюнуна алган. Кармалган жарандар милициядан жашырынуу максатында аялдардын көйнөгүн кийип алышкан.

Учурда шектүүлөр убактылуу кармоочу жайга киргизилип, тергөө иштери уланууда.

Автор: Бекболсун Молдояр уулу